Administradór Munisipál Viqueque, Gregório Hendrique, dadalia ho jornalista Agência Tatoli iha nia rezidénsia Viqueque Vila, domingu (22/12/2019). Imajen Tatoli/Xisto Freitas

VIQUEQUE, 22 dezembru 2019 (TATOLI)–Administradór Munisipál Viqueque, Gregório Hendrique, husu ba Governu Sentrál di’akliu implementa ona polítika desentralizasaun tanba bele fó kompeténsia ba autoridade munisipál atubele foti desizaun sira ne’ebé mak liga ho povu nia moris.

“Ha’u hanoin podér administrasaun balun sei sentraliza iha Governu Sentrál konsideradu normál tanba sei tutela hela ba Governu Sentrál nia kompeténsia maibé espera tempu badak bele transfere ona podér ba iha autoridade munisipál sira atu foti desizaun”, nia tenik ba Agência TATOLI, iha nia rezidénsia Viqueque Vila, domingu ne’e.

Gregório dehan, podér desentralizasaun pertenente tanba hakbesik Estadu ba povu, ho razaun ida katak fó benefísiu rasik ba ninia povu liuhusi área oioin.

Nia haktuir, durante ne’e, Administradór Munisipál ninia kompeténsia limitadu tebes tanba iha de’it kbiit ida atu deside no implementa Planu Estratéjiku Dezenvolvimentu Munisipál (PEDM). Enkuantu, asuntu sira seluk ne’e Governu Sentrál mak deside.

Jornalista: Domingos Piedade Freitas

Editór: Xisto Freitas

HAKEREK NO HATÁN

Please enter your comment!
Please enter your name here