Semináriu  Nasionál ho tema "Halibur Opiniaun Públiku Relasiona ho Papel Média iha Dezenvolvimentu Nasionál Timor-Leste". Imajen: SEKOMS

DILI, 19 dezembru 2019 (TATOLI)—Reprezentante Sekretáriu Estadu Komunikasaun Sosiál (SEKOMS), Maria Eugenia Sousa Ribeiro, apela ba estudante sira iha Universidade Dili (UNDIL) atu diminui asesu ba rede sosiál (Facebook) tanba iha vantajen no desvantajen bainhira estudante sira la utiliza redi sosiál ne’e ho responsalblidade.

“Ha’u apela ba imi estudante sira iha Universidade Dili (UNDIL) atu diminui asesu ba rede sosiál (Facebook) tanba iha vantajen no desvantajen bainhira estudante sira la utiliza redi sosiál ne’e ho responsalblidade,” dehan Maria Eugenia Sousa Ribeiro iha ninia aprezentasaun iha Semináriu Nasionál ho tema “Halibur Opiniaun Públiku Relasiona Ho papél Mídia iha Dezenvolvimentu Nasionál Timor-Leste”, iha UNDIL, Dili, ohin.

SEKOMS, nia hatutan, liuhusi semináriu ne’e hakarak transmiti ba ita-boot sira nu’udar jerasaun foun ba nasaun ida ne’e, atu kuidadu imi nia-aan ho didi’ak liuliu iha estatus sira ne’ebé mak imi update loro-loron iha facebook tanba ida ne’e mak bele hamosu risku ba imi nia-aan rasik.

Ba estudante no juventude feto no mane sira, nia haktuir, ne’ebé sempre update sira-nia estatus kuaze loro-loron ba buat ne’ebé la importante hanesan “ha’u han hela, ha’u haris hela no ha’u iha jardin” ida ne’e loloos la importante atu update. Tanba, tuir nia, estatus ida ne’e mós importante ba ema seluk ne’ebé atu aproveita ho sira-nia intensaun aat.

“Maibé risku ba ita-boot sira mak ne’e, se ema ruma mak hanoin aat ba ita-boot sira fasil ba nia atu identifika imi-nia spot. Imi estdante sira tenke kuidadu-aan bainhira utiliza mídia sosiál liuliu facebook hodi lansa atividade individu ba iha públiku.

Ne’eduni, nia fó korajen, husi rede sosiál sira hanesan loloos atu fasilita ema ho lalais liu ba buat ruma ne’ebé importante. Iha Europa ne’eba, nia fó hanoin, ema laduun uza barak ona facebook maibé rede instagram no twiter mak barak liu. Maibé iha Timor-Leste, númeru ka dadus utulizassun facebook mak sei aas.

“Maibé, labuat ida! Naran katak, imi estudante sira tenke uza rede sosiál ne’e (facebook) ho loloos no uza ho responsalblidade,” nia apela.

Jornalista : Tomé Amado
Editór      : Rafi Belo

HAKEREK NO HATÁN

Please enter your comment!
Please enter your name here