Prezidente Repúblika, Francisco Guterres Lú Olo. Imajen Tatoli/António Gonçalves

DILI, 20 dezembru 2019 (TATOLI)–Hafoin hala’o konsulta saúde iha IHEAL Medical Centre Kuala Lumpur, Malázia, rezultadu hatudu katak Prezidente Repúblika (PR), Francisco Guterres Lú Olo nia saúde laiha problema. 

“Ida-ne’e konsulta regulár ne’ebé mak ha’u sempre halo liuhusi médiku sira-nia rekomendasaun atu fulan neen ha’u filafali ba haree, maibé rezultadu diak hela. Laiha buat ida ka laiha problema”, PR Lu Olo hateten lia hirak ne’e hafoin enserra kongresu nasionál Kombatente Libertasaun Nasionál, iha Centro Convenção Dili (CCD), ohin.

Entretantu, Xefe Estadu auzente husi territóriu nasionál ba Malázia hodi halo konsulta saúde iha 15 dezembru, no filahikas mai Timor-Leste iha loron 20 dezembru tinan 2019.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here