Adjuntu Sekretáriu Jerál Federasaun Futeból Timor-Leste (FFTL), Frederico Martins

DILI, 20 dezembru 2019 (TATOLI) – Adjuntu Sekretáriu Jerál Federasaun Futeból Timor-Leste (FFTL), Frederico Martins, hateten federasaun mínimu tebes ba infraestrutura hanesan kampu hodi jogadór sira bele hala’o treinamentu.

“Ita iha planu ne’ebé di’ak ba oin, maibé ita nia infraestrutura iha ita nia nasaun mak sei mínimu los. Hakarak atu alkansa planu hodi lori futeból ba oin, uluk mak kampu tenke di’ak”, dehan Frederico ba Agência Tatoli iha edifísiu FFTL Bairro Formosa, sesta ne’e.

Tanba ne’e, hanesan jerasaun foun ne’ebé hakna’ar-an iha FFTL, nia husu ba Governu atu kria infraestrutura hanesan prepara kampu ba selesaun nasionál sira hodi hala’o treinamentu.

“Ho hakraik-an ha’u husu ba ita nia Governu sé bele harii netik fatin treinu nian mai ami, atu ita nia jogadór sira bele hala’o treinamentu”, nia akresenta.

Tuir Frederico, Governu presiza harii estádiu ne’ebé estandar iha Timór ho hanoin ida, ba oin fasilidade bele sufisiente.

Entretantu, daudaun ne’e, selesaun nasionál hala’o treinamentu iha kampu FFTL maibé seidauk sufisiente ba jogadór sira.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here