Magnífiku Reitór UNPAZ, Adolmando Amaral. Imajen: Nelia Fernandes

DILI, 19 dezembru 2019 (TATOLI)—Magnifiku Reitór UNPAZ, Adolmando Soares Amaral, hateten Instituisaun Ensinu Superiór Universidade da Paz (UNPAZ), tuir planu, iha tinan 2020 sei hamenus propinas ba fakuldade tolu ba iha departametu haat.

Nia informa, daudaun ne’e iha iha Universidade da Paz (UNPAZ) iha fakuldade neen (6) ne’ebe akumula departamentu sira hamutuk departamentu 24.

“Husi departamentu 24 ne’e, iha departamentu balun merkadu ladun responde ho di’ak, ne’e mak fakuldade tolu. Departamentu sira ne’e mak hanesan Agrikula, Siénsia Sosiál no Ekonomia,” dehan Magnifiku Reitór UNPAZ, Adolmando Soares Amaral  ba Ajénsia TATOLI, bainhira ramata partisipa Judisium Fakuldade Teknológia Agrikola, iha salaun UNPAZ, ohin.

Husi fakuldade tolu ne’e, nia hautan, iha departamentu haat ne’e sei iha mudansa propinas.

“Husi Fakuldade tolu hanesan Agríkola iha departametu Konservasaun Rekursu Naturál no departamentu teknológia Prosesamentu Alimentár, Fakuldade Siénsia Sosiál iha departamentu Estudu da paz, Fakuldade Ekonomia iha departamentu Empredadorizmu, sei hetan mudansa propinas,” nia infroma.

Razaun, nia esklarese, iha reuniaun senadu universidade nian, reitór deside katak hatun sira-nia propinas tanba departamentu hirak ne’e la kondis ona ho merkadu iha Timor-Leste.

“Ho razaun para depois bele atrai merkadu ou ema joven sira bele responde ba sira-nia programa estudu haat ne’e, iha fakuldade hirak ne’e,” nia dehan.

Nia informa, agora daudaun propinas ne’ebé la’o ne’e pruvolta $125 kada semester, agora universidade deside to’o $100 kada semester ba departamentu haat ne’e.

“Tinan 2020 ne’e despaisu sai ona. Iha, 2020, sira ne’ebé mai halo rejistu foun ba universidade, kandidatu universitáriu foun ne’e, ba sira ne’ebé hili departamentu haat ne’e automatikamente sira-nia propinas tun kedan iha ne’e,” nia infroma.

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here