Prezidente Komisaun B trata Asuntu Negósiu Estranjeiru, Defeza no Seguransa, Adérito Hugo da Costa

DILI, 19 dezembru 2019 (TATOLI)–Deputadu Bankada Congresso Nacional da Reconstrução de Timor (CNRT), Aderito Hugo da Costa hateten nosaun atu konsidera remodelasaun seidauk bele implementa.

Hugo informa konferénsia Aliansa Mudansa ba Progresu (AMP) nian iha Tibar ne’e importante liu mak husu redús orsamentu jerál Estadu OJE 2020, tanba proposta inisiál biliaun $1.950 ne’e boot demais.

“Ezijénsia primeiru mak atu redús orsamentu. Sekuénsia ba remodelasaun ho sira seluk ne’e númeru 2”, deputadu CNRT ne’e informa ba Agência TATOLI, iha resintu Parlamentu Nasionál, kinta ne’e.

Reprezentante povu ne’e argumenta, redús orsamentu tanba haree ba kapasidade ezekusaun Governu nian menus.

Deputadu CNRT ne’e hatutan, nosaun atu konsidera remodelasaun ne’e depende ba Primeiru-Ministru, Taur Matan Ruak.

Ho konferénsia ne’e, AMP hasai desizaun bazeia ba Rezolusaun nú. 2/2019.

Rezolusaun ne’e, AMP deside pontu 8. Purtantu, nosaun atu konsidera remodelasaun sita iha pontu 7, katak atu halo remodelasaun ba VIII Governu hodi responde ba nesesidade dezenvolvimentu nasaun nian, liuliu kontribui ba hadi’a dezempeñu Governu nian.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here