Ministra Finansa en-ezersísiu, Sara Lobo Brites. Imajen Tatoli/ Egas Cristóvão

DILI, 19 dezembru 2019 (TATOLI)–Konsellu Ministru, ohin, aprova ona proposta foun orsamentu jerál Estadu (OJE) tinan 2020 nian ne’ebé ho despeza públika estimada tuir órden ho montante biliaun $1.668.

Hafoin reuniaun Konselu Ministru iha Palásiu Governu, Ministra Finansa Interina, Sara Lobo Brites hateten orsamentu ne’e inklui reseita ne’ebé mai hosi Rejiaun Administrativa Espesiál Oé-Cusse Ambeno /Zona Espesiál Ekonomia Sosiál Merkadu (RAEOA/ZEEMS), Uniaun Europeia (UE) no empréstimu, hodi kobre ba nesesidade tomak programa no prioridade nasionál sira ne’ebé VIII Governu Konstitusional define ona.

“Proposta Lei ba Orsamentu Jerál Estadu nian ba tinan fiskál 2020, ne’e aprezenta hosi ha’u rasik”, Ministra Finansa haktuir.

Entretantu, OJE 2020 prepara haktuir ba prinsípiu fundamentál lima maka hanesan sustentabilidade fiskál iha tempu médiu no longu prazu nian, aliñamentu ho prioridade nasionál sira, kapasidade ezekusaun orsamentál, kapasidade halo absorsaun ba ekonomia lokál no kualidade orsamentu nian.

Tuir planu, proposta foun ba OJE 2020 ne’e sei haruka filafali ba Parlamentu Nasionál iha ohin, 19 dezembru 2019.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here