DILI, 18 dezembru 2019 (TATOLI) –Ministru Ensinu Superiór, Siénsia no Kultura (MESSK), Longuinhos dos Santos deklara katak MESSK sei la hamosu bolsa estudu iha 2020 tanba redusaun orsamentu ba Fundu Dezenvolvimentu Kapitál Umanu (FDCH, sigla portugés), husi millaun 23 ba millaun 13.
Inísiu MESSK iha ona kalkulasaun no estimasaun katak montante orsamentu millaun 23 ne’e sei preve Iha FDCH ne’e atu kontinua aselera prosesu bolsa estudu ba timoroan sira ne’ebé inisiu hetan ona inklui ba bolsa foun maibé hetan redusaun husi Komisaun Redusaun Orsamentu, MESSK sei labele loke prosesu ba bolsa foun.
Depois aprezenta Orsamentu MESSK nian iha enkontru Konsellu-Ministru, Ministru Longuinhos dos Santos ba Ajénsia TATOLI katak redusaun Orsamentu ba FDCH, MESSK nian ne’e sei afeta ba timoroan sira ne’ebé atu asesu ba bolsa estudu no mós ba bolsa foun ne’ebé ministériu kria.
“Ita-nia institutu ensinu superiór privada sira sei labele hasa’e sira-nia grau akadémiku no mós labele fasilita sira atu hasa’e koñesimentu iha lian portugés,” hateten Ministru Longuinhos dos Santos, iha Palácio do Governo, ohin.
Governante ne´e kompara, orsamentu ba FDCH iha 2019, millaun 20 ne´e manten maibé agora iha 2020 nian orsamentu ba FDCH, hatun husi millaun 23 ba millaun 13.
Imajina, bolsa ekstensia ne’ebé ativu millaun hitu no hela millaun tolu de’it mak atu bele sustenta ba liña ministeriál sira. Entaun MESSK atu hamosu bolsa foun ne’e araska
Tanba ne’e, nia afirma katak 2020 ninia parte sei mantein de’it ho bolsa eksténsia tanba laiha dalan atu loke tan prosesu foun ho osan ne’ebé ki’ik.
Notísia relevante:OJE 2020 Ba MESSK Redus
Jornalista : Tomé Amado
Editór : Rafy Belo
