Ministra Solidariedade Sosiál no Inkluzaun MSSI,Armanda Berta dos Santos iha loron tersa 17/12/19 observa direita prosesu pagamentu idózus no invalidés iha Suku Samalete,Postu Administrativo Railaco Munisipiu Ermera. Foto Media MSSI

DILI, 18 dezembru 2019 (TATOLI)-Atu garante funsionamentu ba prosesu pagamentu idozu no invalidés, tersa (17/12), Ministra Solidaridade Sosiál no Inkluzaun (MSSI), Armanda Berta dos Santos  halo vízita ba Suku Samalete, Postu Administrativu Railaco, Munisípiu Ermera hodi observa diretamenti prosesu pagamentu ba idozu no invalidés iha faze da-ruak.

Tuir komunikadu imprensa  hosi Asesória Imprensa (media officer)MSSI ne’ebé maka TATOLI asesu, ohin informa katak,  objetivu hosi vizita ne’e,  parte ida atu rona  krítika no sujestaun hosi benefisiáriu sira kona-ba  prosesu atendementu ne’ebé maka halo hosi ekipa pagamentu BNCTL no MSSI.

Notísia Relevante:Governu Sei Hadi’a Sistema Atendimentu ba Idozu no Invalidés

“MSSI servisu hamutuk ho BNCTL, sei fasilita pagamentu ho di’ak ba povu,”afirma  Ministra Solidaridade Sosiál no Inkluzaun.

Nia dehan, ba ferik, katuas no invalidés sira ne’eb’e maka labele la’o dook, ekipa pagamentu sei fasilita atu halo pagamentu to’o benefisiáriu sira-nia hela fatin.

Notísia Relevante:BNCTL Prontu Selu Idozu Sira To’o Uma

Iha Biban hanesan, Xefe Suku Samalate, António Filipe dos Santos, sente apresia ho vízita hosi  governante ne’e,  tanba bele hadia di’ak liután sistema pagamentu ba povu iha futuru.

Idozus no Invalidés hamutuk 130 iha suku Samalete ho Delesu Postu Administrativu Railaco, Munisípiu Ermera  maka hetan ona pagamentu hosi BNCTL.

Munisípiu Ermera iha idozu hamutuk 7.238 no invalidés 1.509 maka sei simu osan iha faze da-ruak iha 2019.

Jornalista:Nelson de Sousa

Editór:Francisco Simões

HAKEREK NO HATÁN

Please enter your comment!
Please enter your name here