Pro-Reitor Asuntu Akademiku, UNTL, Miguel Maia dos Santos.Imajen/ Tatoli Egas Cristovao

DILI, 18 dezembru 2019 (TATOLI)-Pro-Reitór ba Asuntu Akadémiku UNTL (Universidade Nasionál Timor Lorosa’e), Profesór Miguel Maia dos Santos hateten katak atu nakfilak buat hotu ne’ebé ita hatene no halo sai buat ne’ebé ita bele aprende, nia modalidade fundamentál maka domina linguístika.

“Media iha tipu rua ne’ebé bele hasa’e ema nia tensaun nune’e mós bele halo ema kontente, nune’e atu proteje aan iha komunikasaun sosiál ne’e rasik atu neutraliza ita nia aan ho ita nia idade, nia modalidade fundamentál maka domina linguístiku, nakfilak buat hotu ne’ebé ita hatene no hatun halo sai buat ne’ebé ita bele aprende,” hateten Profesór Miguel Maia iha nia diskursu, iha Kampus Sentrál, UNTL, ohin.

Akadémiku UNTL ne’e esplika, tuir Matenek na’in ida ho naran Aderson klasifika abilidade língua ba ha’at; primeiru maka oinsá bele iha abilidade atu rona ho di’ak uainhira ema ida ko’alia, segundu oinsá iha abilidade atu ko’alia ho di’ak atu ema bele kompriende, no oinsá ema ida bele hakerek ho di’ak atu ema seluk kompriende uainhira hatun informasaun sira hosi sistema fonétiku.

“Nune’e kuandu refere ba komunikasaun, ita tenke haree aspetu komunikasaun ha’at ne’e la’o ho di’ak, atu evita mosu asaun sira hanaran misunderstanding ka miscommunication sira ne’e hotu,” profesór ne’e hateten.

Nune’e, Profesór Miguel Maia realsa liután katak atu lori ema hotu ba iha komunikasaun ida komunikativa tenke iha kompriensaun entre Sender (Ema ne’ebé manda informasaun) no Receiver (Ema ne’ebé simu informasaun).

“Entaun atu lori ita ba komunikasaun ida hanaran komunikasaun sender no receiver entre ema rua ne’e sira tenke iha kompriensaun ba informasaun refere, ida ne’e maka foin hanaran komunikasaun komunikativu, selae informasaun ne’ebé ita kari saugate de’it, tanba dalabarak ema halo komunikasaun maibé laiha komunikasaun komunikativa,” Profesór ne’e konsidera.

Alende ne’e Profesór ne’e mós haktuir katak iha komunikasaun importante mós “feedback” atu bele iha avaliasaun fila fali. “Iha situasaun barak maka presiza ita-nia feedback. Ne’e importante ida atu halo avaliasaun, planu hotu ne’ebé maka iha relasaun ho komunikasaun ne’e rasik,” profesór ne’e haktuir tan.

Notísia relevante:Media Iha Papel Atu “Influénsia”

Jornalista    : Nelia Borges

Editór          : Rafy Belo

HAKEREK NO HATÁN

Please enter your comment!
Please enter your name here