Adjuntu Sekretáriu Jerál Federasaun Futeból Timor-Leste (FFTL), Frederico Martins

DILI, 18 dezembru 2019 (TATOLI)–Adjuntu Sekretáriu Jerál Federasaun Futeból Timor–Leste (FFTL), Frederico Martins hateten, tinan 2020, federasaun kontinua fó tulun ba Liga Futeból Amadora atu realiza jogu ba époka dalimak.

“Tinan oin ita nafatin fó apoiu ba kompetisaun Liga Futeból Amadora hosi Primeiru Divizaun, Segunda Divizaun no Terseira Divizaun,” Frederico dehan iha edifísiu FFTL, Bairru Formosa, Dili, kuarta ne’e.

Entretantu, fó hanoin fali katak époka 2019 FFTL haraik osan hamutuk rihun $150 ba LFA hodi realiza kompetisaun ba Primeira Divizaun no Segunda Divizaun.

Aleinde FFTL, LFA mós hetan tulun hosi Governu liuhosi Sekretaria Estadu Juventude no Desportu (SEJD) ho montante osan rihun $65 resin.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here