Sekretáriu Estadu ba Protesaun Sivíl, Alexandrino Xavier de Araújo. Imajen/Egas Cristovão

DILI, 17 dezembru 2019 (TATOLI)- Hafoin tinan haat (4) nia laran guarda Diresaun Nasionál Seguransa Patrimóniu Públiku la iha farda, ohin, Sekretáriu Estadu Protesaun Sivíl (SEPS), Alexandrino Xavier de Araújo, atribui hikas farda ba  guarda DNSPP.

Alexandrino Xavier de Araújo, hateten, iha tinan 2018 nia parte hatama iha programa atu bele sosa farda ba guarda DNSPP, ho nune’e, iha 2019 konsege implementa programa ne’e.

Farda ne’ebé SEPS fahe ne’e pakote ida ba kada guarda DNSPP, kompostu husi kamiza, kaos,  xapeu, xapatu, meias.

Alexandrino Xavier de Araújo afirma, serene rua mak monta iha Dili no SEPS mós iha planu atu monta tan rua iha kapitál Dili nian no mós atu tau tan serene iha Munisípiu hanesan Lautem, Viqueque ho Baucau iha  area tasi-ibun. Maibé konforme ba osan, tanba osan ba 2020 sei redús tan.

“Serene ne’e ita buka data própria ida hodi koko kada fulan. Atu nune’e bainhira iha buat ruma akontese bele lian se la’e labele lian entaun Ita presiza koko serene lian,” hateten Alexandrino de Araújo.

SEPS mós prepara ona farda no ekipamentu bombeiru nian no mós karreta tolu ba korpu Bombeiru sira. Maibé sei hein Gabinete Inspesaun halo tiha inspesaun molok halo termu entrega iha tempu badak.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here