Diretór Operasaun Alfándega, Julião Ximenes. Imajen TATOLI/Egas Cristóvão

DILI, 17 dezembru 2019 (TATOLI) – Diretór Operasaun Autoridade Aduaneira (AA) Timor-Leste, Julião José Ximenes, informa katak tama loron boot (Natál no tinan foun) AA hala’o esforsu makaas hodi kontrola atividade ekonómika iha fronteira sira, tantu rai-maran no tasi.

Atu halo kontrolu ida ne’ebé di’ak no kualidade maka Alfándega koopera ho instituisaun sira seluk hanesan Servisu Migrasaun no Polísia.

Diretór Operasaun ne’e afirma hosi parte AA nia estatutu rasik bazeia ba dekretu lei 1/2016 no mós dekretu lei númeru 14/2017 kona-ba kódigu aduaneiru Timor-Leste, entaun ho baze legál rua ne’e maka fó ba Alfándega hodi hala’o nia knaar iha parte fronteira liuliu iha fronteira aérea, marítima no terrestre.

“Haree ba fronteira terrestre nian loos duni katak agora daudaun tama ba loron boot, haree katak movimentu pasajeiru no merkadoria sirkulasaun ida ne’ebé ho volume makaas, tan ne’e maka Autoridade Aduaneira ho ninia regra ne’ebé maka iha halo prosesu liuliu kona-ba importasaun no esportasaun merkadoria”, hateten Diretór Operasaun AA ne’e ba jornalista sira iha salaun MSSI, Kaikoli, ohin.

Entretantu, AA mós sei kontrola ba sigarru ilísitu sira, no mós sasán sira seluk liuliu iha fronteira rai-maran.

Jornalista : Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here