Konselleiru Embaixada Brazil ba TL, Octavio Lopes oferese livru ho totál hamutuk 100 ho konteúdu oioin ba Ministériu Negósiu Estranjeiu no Kooperasaun (MNEK). Imajen: Nelia Borges

DILI, 17 Dezembru 2019 (TATOLI)-Embaixada Brazil iha Timor-Leste (TL) liuhosi Ministru Konselleiru Embaixada Brazil ba TL, Octavio Lopes oferese livru ho totál hamutuk 100 ho konteúdu oioin ba Ministériu Negósiu Estranjeiu no Kooperasaun (MNEK), ohin.

“Objetivu hosi oferese livru sira ne’e, hanesan baze atu hametin relasaun entre Brazil no Timor-Leste no lori Timor-Lesste ba koñese diplomasia Brazil nian, nune’e mós iha livru balu kona-ba relasaun internasional ne’ebé bele ajuda Ministériu Negósiu Estranjeiru no Kooperasaun Timor-Leste iha área diplomásia,” informa Diplomata Brazileiru, Octavio Lopes  ba Jornalista Ajensia TATOLI hafoin remata entrega livru, iha edifísiu MNEK, Praia dos Coqueiros, Dili.

Konselleiru Octavio Lopes realsa katak  livru sira ne’e bazikamente kria hosi Editorial Ministériu Negósiu Estranjeiru Brazil nian no entrega ba MNEK TL hodi kontribui ba dezenvolve akademia diplomata iha TL no Instituisaun Diplomata sira.

Iha biban hanesan, Octavio Lopes hateten Inisiativa ne’e mosu tanba iha koordenasaun ho Profesór Aurélio Guterres nune’e hosi parte Embaixada deside hodi oferese livru sira hosi Fundasaun Alexandre Gusmão mai TL.

DO Europa Norte Asuntu Bilaterál MNEK TL, Claúdia Perreira Soares. Imajen: Nelia Borges

Enkuantu, DO Europa Norte Asuntu Bilaterál MNEK TL, Claúdia Perreira Soares hateten livru sira ne’e nia benefisiu hodi bele fó ba diplomata foun sira hala’o sira-nia kursu ka formasaun nian no ba futuru, livru ne’e furak tebes tanba mai ho konteudu oioin.

“Nune’e livru nia benefísiu ne’e ba Timor-Leste nia futuru diplomata iha tinan oin tanba iha planu tinan oin para iha planu para kontinuasaun kursu diplomasia iha MNEK,” nia informa.

Livru rihun ida resin ne’e ho tipu oioin maka hanesan  Livru kona-ba Tranzatóriu Diplomata Brazil, Relasaun Ekstraordináriu Brazil, Livru kona-ba CPLP, Livru kona-ba  Brazil no Europa.

Livru kona-ba Tema espesífiku Direitu Internasional, Livru kona-ba Forma oioin Diplomasia; Diplomasia Multilarerál no Diplomasia Bilaterál, kona-ba Prinsípiu Forum Internasionál no organizasaun internasional hanesan ONU no Uniaun Eurpeia no seluk tan ne’ebé sei hanesan tema ne’ebé sei deskute luan liután, nune’e livru refere mai hotu hosi Biblioteka Báziku Fundasaun Alexandre Gusmão.

Jornalista        : Nelia Borges

Editór              : Rafy Belo

HAKEREK NO HATÁN

Please enter your comment!
Please enter your name here