Diretor Jeral Sekretaria Estadu Protesaun Sivil, Superintendenti Asistente Polisia, Ismael da Costa Babo. Imajen/TATOLI Egas Cristovao

DILI, 16 dezembru 2019 (TATOLI)- Sekretária Estadu Protesaun Sivíl (SEPS) ezekuta ona Orsamentu Jerál Estadu (OJE) 2019 porsentu 89.2.

Notísia Relevante : SEPS Prioridade Dezenvolve Área Protesaun Sivíl

Tuir publikasaun hosi Portál Transparénsia ne’ebé TATOLI, ohin, relata katak, orsamentu orijen ba  SEPS ho montante $5,163,503.00, kompromisu $82,733.00, obrigasaun $1,300,777.73, atuál $3,305,037.35, saldu $474,954.92, no nia ezekusaun porsentu 89.2

“Ezekusaun OJE ba SEPS nian la’o di’ak tebes no molok to’o sistema free balance taka bele atinje  porsentu 98,” informa Diretór Jerál SEPS, Superintendente Asistente Polísia Ismael da Costa Babo, hodi responde Ajénsia TATOLI iha nia servisu  fatin, Caicoli, Dili.

Ezekusaun orsamentu ba SEPS ne’e, Ismael Babo esplika, bazeia ba planu no programa servisu SEPS nian, liuliu ba iha saláriu vensimentu, bens servisu, transferénsia públika no kapitál menór.

Nia informa, programa ne’ebé SEPS alkansa ona mak hanesan mellora kondisaun protesaun sivíl liuhosi kria fasilidade, formasaun no kria enkuadramentu legál, nune’e mós ba apoiu umanitária, apoiu emerjénsia no rekuperasaun ba vítima afetadu dezastre naturaís.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here