Ekipa AIFAESA haree hela sasán iha kioske sira bainhira halo inspesaun ba produtu liu prazu no sigarru ilísitu iha Bidau-Toko Baru, Tersa (22/10/2019). Imajen/Antónia Gusmão.

DILI, 16 dezembru 2019 (TATOLI)-Hahán no bebida liu prazu sei kontinua fa’an no sirkula iha merkadu lokál ho merkadu nasionál. Tanba ne’e, Autoridade Inspesaun no Fiskalizasaun Atividade Ekonómika, Sanitária no Alimentár (AIFAESA) bolu atensaun ba konsumidór sira atu atensaun bainhira konsume sasán sira importadór nian.

Notiísia Relevante : Tama Natál AIFAESA Sei Halo Inspesaun Rutina Bá Loja-Supermerkadu

Diretór Operasaun AIFAESA.IP, Gabriel da Costa. Imajen/Egas Cristovão

Liuhosi operasaun ekipa inspesaun konjunta, ohin, ba loja, super merkadu no kioske sira iha Dili laran, ohin, kontinua hetan hahán (latarias), bebida balun ne’ebé liu ona prazu (expire) fa’an iha loja, super merkadu no kioske hirak mak sirkula iha merkadu Dili.

Ekipa inspesaun konjunta ne’e, kompostu hosi AIFAESA, Inspesaun Jerál Traballu (IGT- sigla portugés), Polisia Nasionál Servisu Investigativu Kriminál (PNSIK), Polisia Migrasaun ho  Ministériu Finansa (Tributária).

“Ami halo inspesaun iha territóriu Dili tanba ita tama ona periodu Natál no tinan foun, atu nune’e, ita bele garante ai-han ho bebida  sira ne’ebé sirkula iha merkadu tenke seguru la’ós liu prazu,” diretór Departamentu Operasaun AIFAESA, Gabriel da Costa, informa ba TATOLI iha nia knaar fatin Matadoru, Dili.

Notísia Relevante : AIFAESA Halo Apreensaun Ba Produtu 1.800-Resin Iha Merkadu Taibesi

Iha inspesaun ne’e, ekipa konjunta fahe brigada rua, mak hanesan brigada A halo inspesaun ba loja sira iha Postu Administrativu Nai  Feto ho Cristo Rei no ekipa brigada B halo operasaun iha Postu Administrativu Dom Aleixo no Vera Cruz nian.

“Ami halo operasaun ba produtu importasaun iha kapitál no konsege hetan produtu liu prazu hanesan saos ABC (tomate botir) iha super merkadu balun,” Gabriel da Costa hateten.

Ba loja, super merkadu ho kioske sira ne’ebé fa’an sasán liu prazu, AIFAESA sei aplika sansaun multa $10000 to’o $5.000 bazeia ba dekretu lei 23/2009 iha loron 5  agostu, artigu 13 alínea b.

Inspesaun ida ne’e mós hala’o iha munisípiu 12, inklui Rejiaun Administrativu Espesiál Oe-Cusse Ambeno (RAEOA), maske foin hahú uluk ho  Munisípiu Baucau no Oe-Cusse depois kontinua ba munisípiu seluk.

Jornalista : Osória Marques

Editór       : Francisco Simões

 

HAKEREK NO HATÁN

Please enter your comment!
Please enter your name here