Ekipa Task Force DNSAS hadi’a Kanalizasaun bee-moos. Imajen MOP-DNSAS

DILI,13 dezembru 2019 (TATOLI)-Diresaun Servisu Água no Saneamentu Munisípiu Dili, dadaun ne’e komesa fornese ona  bee moos ba komsumidór sira  iha Dili relasiona ho problema  falta bee moos tanba afeita hosi mudansa klimátika bailoron naruk.

Xefe Departamentu  Abastesimentu Água, Francisco Pereira Xavier, hateten, SAS kria ona oráriu hodi fornese bee moos ba populasaun sira ne’ebé maka diresaun ne’e identifika falta bee moos hanesan akontese iha  área Ailok-Laran, Surikmas, Palapasso no seluk tan.

“Ezemplu, ohin distribui hahú iha Ailok-laran, aban  Surikmas no bainrua Palapasso nune’e bain-tolu fila fali ba Ailok-laran. Entaun suku ida tenke folga loron rua maibé akontese buat ruma iha  reservatóriu dala ruma to’o loron haat ka lima,”dehan, Francisco Pereira Xavier ba TATOLI,iha Nia servisu fatin Caicoli, Dili,ohin.

Notísia Relevante:Bee Moos iha Kapitál Dili Komesa Menus

Maske nia parte halo ona esforsu hodi fornese ona bee moos ba komunidade sira, maibé Xefe Departementu ne’e rekoñese, sei akontese  família barak maka  seidauk asesu bee tanba  estoke bee moos  iha tanke rezervatóriu maka menus.

Notísia Relevante:Débitu Bee Menus ba Beibeik

“Ami sempre buka meius hodi ense bee reservatóriu hodi distribui maske sai oras ida rua de’it. Ami mós halo barajén ba mota hanesan iha Railaku Munisípiu Ermera nian hodi halo akumula bee iha bai-loron nian,”Nia hateten.

Atu prezerva bee matan sira labele maran, nia apela  ba komunidade hotu-hotu atu prevene tesi ai-horis no sunu rai arbiru.

Notísia Relevante:Aldeia Haat iha Suku Manleuana Falta Bee Moos

Jornalista: Osória Marques

Editór        : Francisco Simões

HAKEREK NO HATÁN

Please enter your comment!
Please enter your name here