Resposável Kontrolu Moras Hada’et no Vijilánsia Epidémiku, Ministériu Saúde Munisípiu Lautem, Alberto da Costa Manuel/Imajen Tatoli.

LAUTEM, 12 dezembru 2019 (TATOLI) – Resposavel Kontrolu Moras Hada’et no Vijilánsia Epidémiku, Ministériu Saúde Munisípiu Lautem, Alberto da Costa Manuel, informa hahú husi janeiru to’o novembru moras infesaun respiratória (ISPA, sigla indonézia) no diarreia, isin-katar aas iha sentru no postu saúde sira iha munisípiu Lautem.

“Ami konsege rejista moras infesaun respiratória (ISPA), diarreia no isin-katar aas iha sentru no postu saúde sira iha munisípiu Lautem”, Alberto da Costa relata ba Ajénsia TATOLI iha Lospalos, kinta ne’e.

Tuir dadus Ministériu Saúde Munisípiu Lautem nian fó sai katak moras infesaun respiratóriu hamutuk 5901, isin-katar 3114 no diarreia hamutuk 2500.

Alberto da Costa friza kauza husi moras tolu ne’e husi bailoro naruk ne’ebé afeta hosi rai-rahun barak no populasaun la kuida so’e lixu arbiru hodi ambiente la moos.

“Ita orienta ona kada sentru no postu saúde atu pesoál saúde sira molok halo atendimentu ba pasiente ida tenke fó hatene uluk oinsá atu asegura ambiente sai moos”, haktuir.

Jornalista : Florencio Miranda Ximenes
Editora : Maria Auxiliadora

HAKEREK NO HATÁN

Please enter your comment!
Please enter your name here