Negosiante katupa faan hela sira-nia hahan iha area Praia dos Coqeiros Dili.Imajen:Osoria Marques

DILI,12 dezembru 2019 (TATOLI)-Negosiante katupa ne’ebé dadaun ne’e, faan sira-nia produtu hahan hanesan katupa, sate, ikan tunu no seluk tan, iha área Ministériu Negosiu Estranjeru no Kooperasaun (MNEC-sigla Portugés) nia oin, kada loron hetan rendimentu hosi $100-200 hodi sustenta ekonómia família.

Brígina Fernandes, nu’udar negosiante katupa  informa ba TATOLI,ohin iha área Praia dos Coqueiros, Dili,  katak sira hahú hala’o atividade negósiu hahan ne’e  komesa  tuku 08:00 to’o 12:00 kalan.

“Ami faan oras haat hahú tuku 8 to’o 12 no ami hetan osan ho oras de’it, dala ruma oras ida ami bele hetan $ 100-200,”dehan, Nia.

Nia esplika,  Antes ne’e, sira faan iha área Bebonuk, iha fatin ne’ebé maka governu konstrui ona maibé  tenke muda ba áre MNEC nia-oin tanba sosa na’in sira menus hodi afeita ba hahan la folin no barak maka hetan estragus.

“Ami mak hakarak duni faan ami-nia katupa no sate tunu iha fatin ne’e tanba durante ne’e ami faan iha área Bebunuk (Otél Arbiru oin) lafolin no estraga mak barak nune’e ami deside muda mai iha ne’e hodi hetan netik osan dolár ida ka rua hanesan ne’e,” Brígina konfesa tan.

Tuir planu governu liuhosi Servisu Jestaun Merkadória Munisípiu Dili nian sei  muda sai negosiante hirak ne’e hosi fatin ne’ebá iha futuru, tanba ne’e, Brígina Fernandes husu atu kria uluk  fatin foun ba sira.

Jornalista: Osória Marques

Editór       :Francisco Simõs

HAKEREK NO HATÁN

Please enter your comment!
Please enter your name here