Negosiante ambulante sira aprovieta loja ninin hodi fa'an roupa. Imajen/Osória Marques

DILI, 12 dezembru 2019 (TATOLI)-Tinan-tinan, atu tama ba Natal 25 dezembru  ho tinan foun 01 janeiru, sempre mosu iha kapitál Dili, atividade negosiante ambulante ne’ebé fa’an roupa foun iha loja ninin Colmera nian ou jardín sira balun iha Dili laran.

Notísia Relevante :Munisípiu Dili Prepara Fatin ba Negosiante Roupa 

Tinan sira liu ba, negosiante Timor-oan hirak ne’e sempre hetan tratamentu ladún ho dignu iha Lei ordenamentu territóriu nian ne’ebé “mantein” hosi Guarda Servisu Saneamentu Munisípiu Dili hamutuk ho Polisia Task Force sira.

Negosiante ambulante lubun ne’e ulun moruk okupa fatin ne’ebé estadu bandu, hanesan iha trotoar leten Colmera nian to’o ba Jardín 05 de Maiu. Ho nune’e, sira la iha fatin própriu atu bele aproveita ho didi’ak hodi “hakna’ut” netik sentavu ka dollar ruma iha besik loron boot ne’e.

Negosiante sira ne’e okupa iha fatin ruma, maka ekipa task force ho autoridade saneamentu munisípiu Dili nian tuun lulun sira nia sasán soe sa’e ba karreta laran. Tanba ne’e, ba tinan ne’e, sira rekomenda atu bele iha netik espasu ruma ba sira fa’an roupa ba loron natal ho tinan foun nian.

Gilberto da Costa hateten, nia ho nia negosiante maluk sira presiza tebes governu nia laran luak atu bele fasilita espasu ruma ba sira iha area Colmera nian ou jardín balun iha Dili laran hodi bele hala’o sira nia atividade negósiu ki’ik.

Bainhira dada lia ho Ajénsia TATOLI, ohin, iha Colmera, Dili, Gilberto da Costa, husu ba Governu atu hatudu fatin ba sira negosiante hodi fa’an roupa.

Jornalista : Osória Marques

Editór       : Francisco Simões

 

HAKEREK NO HATÁN

Please enter your comment!
Please enter your name here