Diretora Jerál Prestasaun Saúde, Odete Viegas da Silva. Imajen/Felicidade Ximenes

DILI,12 dezembru 2019 ( TATOLI)-Diretora Jerál Prestasaun Servisu Saúde, Odete Viegas da Silva informa katak segunda semana oin, osan ne´ebé transfere husi Ministériu Saúde (MS) tama ona ba bankaria adidu iha Bali atu bele foti fó ba pasiente sira ne´ebé mak halo tratamentu bele utiliza ba sira-nia nesesidade lorloron nian.

“Informasaun ne’ebé ita-boot sira (jornalista sira) hato’o ne’e los katak pasiente sira iha rai li´ur mós halerik maibé ita-boot sira mós tenke hatene prosesu aprovizionammentu finansa ne’e mós esforsu hela no ikus osan sira ne’e transfere hotu ona ba,” dehan Odete Viegas Da silva ba Jornalista sira ohin.

“Ami mós komunika internalmente ba iha Dirasaun Nasionál Servisu Ospitalár no komunika ona adidu iha Bali no hodi hatene mós moras sira iha Jakarta no Surabaya. Semana oin, osan tama ona, bele foti hodi utiliza ba sira-nia hahán loroloron nian,” nia reforsa.

Diretora ne´e haktuir, MS daudaun ne´e liuhusi dirasaun finansa halo hela esforsu boot ba pasiente sira ne´ebé halo hela tratamentu iha rai-li´ur no oinsá mak pasiente sira iha rai li´ur sira hetan alojamentu ba sira-nia hela fatin no mós orsamentu ba operasionál nian.

“Operasionál nee signifika osan ne’ebé mak sira simu 10dolar ne’e ba sira-nia hahan no dadaun ne’e prosesu hotu ona. Osan alojamentu ne’e haruka ona ba iha semana kotuk liubá maibé agora ida operasional ne’e iha ona banku sentrál”.

Diretora Jerál Prestasaun Servisu Saúde, Odete Viegas da Silva esplika mós katak atu pagamentu ba pasiente sira ne’e mós daudaun ne’e Ministériu Finansas nia regra rigoroza. Ezemplu, orsamentu ba iha área programatika sira.

Entaun MS buka nafatin oinsá mak bele no dalaruma relatóriu mai husi ospitál SILOAM tarde uitoan tanba ne’e mak relatóriu sira ne’e hato’o mai entaun iha ne’e mós halo fali verifikasaun husi Dirasaun Nasionál Ospitalár verifika katak loos ona ka seidauk? Loos depois fó fali ba iha Dirasaun Finansas MS nian haree se la loos tenke haruka fila fali ba sira tanba ita ko’alia ba osan ne’e responsabilidade boot ida ne’ebé prosesu sira ne’e tenke lori tempu.

“Tuir ha’u nia hanoin ita tenke investe iha ita-nia rain tanba ita haruka ona pasiente sira ne’e prosesu no kritériu mak hanesan ne’e ita tenke halo tuir”.

Daudaun ne’e, tuir Diretora Odete Viegas da Silva katak komplikasaun barak, ne’e mak MS hanoin ona katak HNGV (Ospitál Nasionál Guido Valadares) ne’e prepara hodi hadi’a kondisaun sira ne’e liuliu ba moras sira ne’ebé mak hanesan fase raan, korasaun no mós onkolojia ka kanker.

“Entaun agora daudaun ne’e ospitál hahú hadi’a ona kondisaun atu nune’e ita-nia pasiente sira halo tratamentu iha ne’e de’it, ita la presiza haruka tan ba iha rai li´ur. Se ita halo tratamentu iha ne’e ita diminui kustu no ita-nia pasiente ne’e ita atende ho tempu no ema hotu bele hetan oportunidade,” nia kompromete.

Notísia relevante:Governu Planeia Redús Transferénsia Pasiente Ba Estranjeiru

Jornalista        :Felicidade Ximenes

Editór              : Rafy Belo

HAKEREK NO HATÁN

Please enter your comment!
Please enter your name here