Konsulta Públiku kona-ba Lei Kustumeiru ne'ebé hala'o husi MRLAP. Imajen/Domingos Piedade Freitas

Oe-cúse, 12 dezembru 2019 (TATOLI)-Ministériu Reforma Lejizlativa no Asuntu Parlamentár (MRLAP) kinta, ohin, termina ona programa konsulta públiku ho lia-na’in no Autoridade lokál ho étniku dalen Baikenu hosi  Rejiuan Autónomu Espesiál Oe-cúse Ambeno (RAEOA) kona-ba lei justisa tradisionál no kostumeiru ba tinan 2019.

Asesór Sósiu-Kultura MRLAP,Josh Trindade, hateten, antes ne’e, halo ona konsulta públiku hanesan ho lia-na’in no autoridade lokál hosi étniku Makasae, Mambae, Tokodede, Kemak, Bunak, Tetun Terik, Isni, Laklei, Galole, Idete, Habu, Kairui, Waimua, Mediki, Naueti, Makalero no Fataluko iha munisípiu 11.

Notísia Relevante:MRLAP Halo Konsulta Públiku Lei Kostumeiru iha Viqueque

“Ha’u hanoin sorumutu nee importante tebes tanba antes atu halo esbosu lei hodi define ligasaun entre lei formál no lei tradisionál presiza rona didiak informasaun hosi lia- nain sira kona-ba prosesu tesi lia hosi lisan ida-idak”, informa Asesór Sósiu-Kultura MRLAP ne’e ba TATOLI, iha salaun Administrasaun Oe-cúse.

Notísia Relevante:MRLAP Halo Konsultasaun Lei Kostumeiru ho Étniku Kemak

RAEOA iha postu Administrativu haat maka Passabe, Nitibe, Oesilo no Pante Makasar ho totál suku hamutuk 18, abitante iha Oe-cúse ko’alia lian Baikenu.

Notísia Relevante:MRLAP Halo Estudu Kle’an Atu Reforma Lei Sira

Josh, esplika programa konsulta públiku ne’e sei kontinua iha tinan oin, atu nune’e bele tulun ekipa MRLAP sira  hodi produs no  sinkroniza ona  lei justisa tradisionál,lei konstumeiru ho justisa formál.

Programa konsulta públiku ne’e abertura ofisialmente hosi Sekretáriu Rejionál ba Administrasaun, Fransisco Xavier Marques, representa Prezidente RAEOA, José Luis Guterres.

Notísia Relevante:Justisa Tradisionál Sei Redús Kazu Pendente iha Tribunál

Nia husu ba autoridade lokál no lia-na’in sira atu aproveita okaziaun ne’e hodi esplika ho klaru no loloos kona-ba lei kostumeiru no justisa tradisionál ne’ebé maka implementa ona  durante ne’e iha Oe-cúse.

Jornalista : Domingos Piedade Freitas

Editór       :Francisco Simões

HAKEREK NO HATÁN

Please enter your comment!
Please enter your name here