Vise-Ministra Solidariedade Sosiál no Inkluzaun, Signi Chandrawati Verdial. Imajen/Nelson de Sousa.

OE-CÚSE, 11 dezembru 2019 (TATOLI)-Governu liuhosi Ministériu Solidaridade Sosiál no Inkluzaun (MSSI) iha ona planu sei fó asisténsia ba labarik 50 ne’ebé sai vítima ba asaun abuzu seksuál hosi eis padre ho inisiál R.D iha Aldeia Topofunes, Suku Kosta Postu Administrativu Pante Makasar, Oe-cúse.

Vise-Ministra Solidaridade Sosiál no Inkluzaun, Signi Candrawati Verdial, dehan asuntu ne’e ohin, iha Aeroportu Internasionál Rota de Sandalo, Oe-cúse, hafoin hala’o vizita hodi haree diretamente kondisaun labarik sira-nian.

“Ami mai haree labarik sira ne’ebe mak sai vítima ba kazu abuzu seksuál hanesan ninia kondisaun seguransa, situasaun eskola, situasaun moris, hahan, hemu no seluk tan  ne’ebe mak afeita tebes psikolojia labarik sira nian”, dehan Vise Ministra iha Governu da-ualu ne’e.

Atu rekopera mentalidade labarik sira nian, Governante ne’e hateten, presiza ekipa ida atu halo akonsellamentu no akompaña sira.

Labarik feto sira ne’e maioria maihosi área remotas ne’ebé laiha kapasidade finanseira atu kontinua sira-nia estudu tanba ne’e, MSSI sei kria polítika ida diak hodi fó apoiu atu kontinua sira-nia estudu.

Governante ne’e esplika, hafoin akontese kazu ne’e, labarik hirak ne’ebé sai ona vítima ba kazu ne’e abandonadu. Tanba ne’e liuhosi vizita ohin, Vise Ministra Solidaridade Sosiál no Inkluzaun ne’e delega provizóriu jestór na’in rua no feto faluk na’in tolu hodi tein hahan no tau matan ba labarik sira.

Jornalista : Domingos Piedade Freitas

Editór      :Francisco Simões 

1 KOMENTÁRIU

  1. Hatudu tok ita boot sira nia evidensia kstak labarik se mak sai vitima iha kazu nee tamba hw mos ema nebe mak boot iha topu honis abd la puas karik hw nia nmr’mak’nee 77824400/ 75378415 hw atu dehan deit katak info nee la iha realidade tamba too ohin loron sduk iha labarik ida at konfesa katak nia mak sai vitima

HAKEREK NO HATÁN

Please enter your comment!
Please enter your name here