Ilustrasaun isin-rua

DILI, 11 dezembru 2019 (TATOLI)-Rekizitu balun ne´ebé BSN (Banco de Sangue Nacional), iha Departamentu Laboratóriu, HNVG (Ospitál Nasionál Guido Valadares) mak feto isin-ruan no “fulan mai” ka menstruasaun labele halo doasaun raan.

“Bainhira atu halo doasaun raan tenke idade 16 to´o 60,” dehan Xefe Interinu BSN, HNGV, Tomas Adelino ba jornalista sira iha nia kna´ar fatin, HNGV, ohin.

“Doasaun raan ita bolu intervalu ne’e ba mane mak ba fulan tolu no feto mak ba fulan haat. Depende ba doasaun raan fulan tolu mak bele hasai minimál, ida ne’e mak kondisaun jerál nian ne’ebé mak ami sempre halo,” nia haktuir.

Durante Banku Urjénsia hala’o doasaun raan, tuir nia, iha Prizaun Becora no Igreja Evangêlica de Deus hamutuk na´in 30mak fó raan. Husi raan sira ne´e, barak liu mak raan O depoius B no AB mak menus liu. “Agora daudaun stock ne’ebé ami hetan mak doasaun raan A+ iha familia 14 stock banku de sangue ne’e iha 26 no totál 40. Iha doasaun raan B+ iha faíilia 10 Banco de Sangue 9, totál 19.

“AB+ mak menus liu, iha familia 2 stock doasaun raan iha 7 totál 9 no barak liu mak doasaun raan O+ iha familia 25 stock doasaun raan iha 27 totál 52. Ami tenke fahe hanesan tanba iha ne’e doasaun raan iha tipu tolu hanesan doasaun voluntáriu, doasaun familia no doasaun voluntáriu instituisaun”.

dehan Xefe Interinu BSN, HNGV, Tomas Adelino esplika, dahuluk doasaun Voluntáriu mak hanesan fó raan voluntariu de’it.

Ne’e ita bolu dehan privadu sira ne’ebé doasaun raan privadu BSN sei fó kartaun tanba iha mundu tomak halo hanesan ne’e.

Daruak doasaun família mak hanesan família moras ona mak foin mai família sira buka raan ida ne’e mak bolu doasaun raan familia. Datoluk doasaun instituisaun mak hanesan instituisaun sira ne’ebé oferese raan ida nee mak bolu doasaun raan instituisaun.

“Ami sei halo regulamentu ida banhira raan ida ne’ebé mak tama uluk sei uza uluk ida nee para la bele kahur malu doasaun raan ne’e hahú husi janeiru to´o agora”.

Xefe Tomas Adelino haklaken, raan AB+ ne’e sempre menus tanba ita ema ne’e raan menus no menus tanba dalaruma moras iha tiha raan mak la iha, dalaruma BSN prepara tiha raan moras mak la iha fali entaun nia presentajen raan mak menus duni.

Bainhira ema presiza AB+ karik iha ne’e stock la iha entaun bele kontaktu ba Cruz Vermelha Timor-Leste tanba sira mak iha doasaun raan voluntáriu barak, bele mós direitamente mai iha laboratóriu HNGV ami bele kontaktu ba doasaun raan sira ne’ebé gratuita hodi nune’e sira ajuda lalais”.

Entretantu, iha parte seluk, emprezáriu Dilimart mak sempre ajuda doa raan ba BSN, iha HNGV, seluk seidauk.

Notísia relevante:Laboratóriu BSN Menus Funsionáriu

Jornalista        : Felicidade Ximenes

Editór              : Rafy Belo

HAKEREK NO HATÁN

Please enter your comment!
Please enter your name here