Ministru Ensinu Superiór, Siénsia no Kultura, Longuinhos dos Santos. Imajen/TATOLI

DILI,11 Dezembru 2019(TATOLI)-Ministru Ensinu Superiór Siénsia no Kultura (MESSK) Longuinhos dos Santos hateten, kestaun sira rekrutamentu formadór sira ba lian Portugés la sufisiente tanba orsamentu la to’o.

Maske nune´e, formasaun lian portugés ba dosente sira sei nafatin alkansa maibé seidauk sufisiénte tanba kestaun orsamentu ba rekrutamentu formadór sira ba lian portugés nian la sufisiente.

“Tinan oin ita mós iha planu atu aumenta formadór lian portugues ida iha kada instituisun superiór,” informa Ministru Longuinhos ba jornalista sira hafoin ramata enkontru Konsellu reitór sira, iha salaun MESSK, ohin.

Ministru Longuinhos akresenta katak polítika atu aumenta formadór ba lian portugés ne’e sei halo maibé ho kondisaun orsamentu ne’ebé gradual afeta tebes atividade importante ne’e.

“Ida ne’e mós ita tenke hatene katak ita iha redusaun orsamentu ne’ebé gradual tebes, entaun afeta mós ba atividade importánsia ba formasaun lian portugés ba ensinu superiór nian,” nia konsidera.

Relasiona ho formasaun ba dalen portugés ne´e, governante ne´e garante katak sei kontinua manten to’o hetan rezultadu mellór. “Maibé iha tinan 2020 sei kontinua nafatin to’o tinan 2023 nune’e to’o hetan rezultadu mellor katak bele utiliza lian ofisíal para sai nu´udar lian instrusaun ba ensinu superiór,” nia kompromete.

Notísia relevante:OJE 2020 Ba MESSK Redus

Jornalista        :Nelia Borges

Editór              : Rafy Belo

HAKEREK NO HATÁN

Please enter your comment!
Please enter your name here