Ilustrasaun logotipu KAK vs MJ

DILI,09 dezembru 2019 (TATOLI)-Tuir publikasaun relatóriu hosi Komisaun Anti Korrupsaun (CAC-sigla portugés) fó sai porsentu 60 hosi totál populasaun millaun 1.2 maka uja ona propritariu estadu nian hanesan patrimoniu  moveís no imoveís maibe seidauk selu arrendamentu.

Komisáriu Komisaun Anti Korrupsaun (KAK) Sergio  Hornay, hato’o asuntu ne’e iha ámbitu lansamentu relatóriu arrendamentu rai estadu iha salaun Ministériu Solidaridade Sosiál no Inkluzaun (MSSI), iha Caicoli Dili, segunda (09/12).

Notísia Relevante:Governu Kria Ona Tabela Presu Foun Ba Arrendamentu Rai Estadu

KAK halo peskiza ba relatóriu ne’e durante tinan-ida iha territóriu no hetan kooperasaun servisu hosi Sekretária Estadu Terras no Propriedade ho objetivu atu tulun Governu hodi jere patrimoniu estadu nian ba rekolla reseita ba kofre estadu.

Notísia Relevante:TL ho EUA iha Ona Konkordánsia ba Arrendamentu

“Sidadaun porsentu 40 mak iha kooperasaun  diak  hodi kumpre sira-nia devér selu arrendamentu fulan-fulan,”dehan Komisáriu KAK.

Sergio Hornay,  kalkula katak bainhira sidadaun prosentu 60 ne’e kontribui ona  hodi selu arrendamentu rai ba kofre estadu fulan-fulan sei hatama reseita pruvolta millaun 4-resin kada tinan.

Notísia Relevante:ETO Finaliza Dokumentu Arrendamentu Rai Estadu iha Antigu Tiger Fuel

Iha biban hanesan, Ministru Justisa,  Manuel Carceres, apresia ho relatóriu ne’e tanba sai mata dalan ba Governu hodi define polítika ida kona-ba arrendamentu ba patrimoniu estadu.

Iha sorin seluk, Sekretáriu Estadu Terras no Propriedade, Mario Ximenes, relata hahú fulan-janeiru to’o ínisiu dezembru 2019 rekolla ona millaun $ 3-resin ba estadu.

Notísia Relevante:Governu Estabelese Kontratu Arrendamentu ho BNU

Tuir dadus Governu nian to’o tinan ne’e sidadaun ne’ebé okupa patrimoniu estadu hanesan edifisiu no rai estadu hodi halo negósiu hamutuk 1114.

“Kona-ba presu selu, sei haree ba klasifiksaun no poténsia rai uja ba hela ka hala’o negósiu sei la hanesan,”katak Governante.

Notísia Relevante:Otél Timor Prontu Selu Arrendamentu ba Estadu

Mario Ximenes, rekoñese hosi totál sidadaun porsentu ne’ebé seidauk selu arrendamentu ne’e, balun rejistu ona  atu selu no balun seidauk rejistu tanba falta informasaun husi Diresaun Terras no Propriedade.

Notísia Relevante:Kompañia Lokál 10 Ezije Atu Selu Arrendamentu Direta Ba Estadu La’ós Ba Ensul

Mezmu nune’e, Sekretáriu Estadu Terras no Propriedade promete durante mandatu Governu da-ualu sei esforsu atu hala’o sensibilizasaun informasaun ba okupante sira hodi kontribui selu arrendamentu.

Jornalista:Nelson de Sousa

Editór   :Francisco Simões

HAKEREK NO HATÁN

Please enter your comment!
Please enter your name here