Reprezentante SEII, Armando da Costa

DILI, 10 dezembru 2019 (TATOLI)–Reprezentante Sekretáriu Estadu ba Igualidade no Inkluzaun (SEII), Armando da Costa fó hanoin ba mane sira atu tane aas dignidade feto sira nian iha Timor-Leste (TL).

“Hapara violénsia hasoru feto no labarik feto mak sosiedade sei moris saudável,” dehan Reprezentante SEII, Armando da Costa, iha ámbitu komemorasaun loron 16 kampaña hakotu violénsia hasoru feto no labarik feto no mós loron mundiál ba direitu umanu, iha salaun Luz Clarita, Bairo Formosa, ohin.

Notísia relevante:SEII Hala’o Kampaña Hapara Violénsia Hasoru Feto ho Labarik

Nia sujere, juventude timoroan mane sira respeita feto hanesan parseiru ida ne’ebé atu kompleta malu tanba nasaun ne’e atu hetan ninia dignidade ida loloos papel feto no labarik feto sira nian mòs importante tebes.  Ne’eduni komemorasaun ida ne’e nu´udar kampañia ida atu fanu mane sira ne’ebé sei toba dukur iha violénsia nia ukun atu hakaas an hodi hakribi hahalok aat sira ne’e.

“Hamutuk hakotu violénsia hasoru feto no labarik feto mak mehi bo’ot ida atu haburas relasaun saudável entre feto no mane inklui iha sosiedade tanba violénsia sei laiha solusaun maibé sei hamosu no izola ita husi ema seluk,”  akonsella Reprezentante SEII, Armando da Costa.

Nia esplika tan katak violénsia barak liuhusi joven mane hasoru sira-nia parseiru feto sira, dala barak sira feto sira. Nune´e nia husu ba feto sira kuandu mane sira halo nune’e di´ak liu deside hado’ok an husi nia la presiza atu defende tan.

Notísia relevante:“Hamutuk Hakotu Violénsia Hasoru Feto no Labarik Feto:Haburas Relasaun Saudável”

“Ho nune’e mak bele fó hanoin ba mane sira atu muda sira-nia atetudi hodi labele repete tan,” konklui reprezentante SEII ne´e.

Notísia relevante:Timoroan Tenke Hapara Violénsia Hasoru  Feto ho Labarik Feto

Jornalista        : Tomé Amado

Editór              : Rafy Belo

HAKEREK NO HATÁN

Please enter your comment!
Please enter your name here