iklan

EDUKASAUN, HEADLINE

Profesór Na´in 408 Asina Kontratu

Profesór Na´in 408 Asina Kontratu

Ministra Edukasaun, Juventude no Desportu Dulce de Jesus Soares.Imajen/Antonio Goncalves

DILI, 09 dezembru 2019 (TATOLI) – Profesór reklamante na´in 408 asina ona kontratu ho Ministériu Edukasaun, Juventude no Desportu (MEJD) depois tinan ualu sein saláriu iha prosesu ensinu aprendizajen iha nivel ensinu pré-eskolár no ensinu báziku.

Ministra Edukasaun, Juventude no Desportu, Dulce de Jesus Soares hateten, profesór reklamante na´in 408 ne´e foin hetan sira-nia direitu ne’e tanba iha momentu halo levantamentu informasaun ba profesór kontratadu 4208 kuaze 408 mak la prienxe kriteiru.

Notísia relevante:Profesór Sira Obedese Ba Kompeténsia Haat

Governante ne´e esplika, razaun MEJD kontrata profesór sira ne´e tanba haree ba sira-nia partisipasaun iha prosesu dezenvolvimentu área edukasaun kuaze tinan ualu resin. Profesór sira ne´e sei destaka iha munisípiu sira. “Ita loke de’it prosesu kontratu ba sira hodi bele hetan sira-nia direitu”.

“Maibe kuandu bazeia ba lei baze da edukasaun, tuir ministra katak loloos labele tanba iha lei MEJD nian sese de’it mak atu ssi profesor iha MEJD nia okos tenke liuhusi teste depois mak foin bele prienxe rejime karreira espesiál nu´udar profesór asistente “Sira la liuhusi prosesu ida ne’e maibe ita sei halo kontratu ba sira hodi haree dalan. Ba sira ne’ebé seidauk iha abilitasaun literaria, polítika MEJD nian atu hare prosesu ida ne’e”.

Ministra Dulce de Jesus haklaken, temus kontratu ne’ebé realiza ona buat hotu mai husi prosesu verifikasaun dadus ne’ebé ekipa MEJD halo durante fulan tolu ba profesór sira iha munisípiu ida-idak no agora konsege hetan duni ninia rezultadu.

“Ministériu espera liuhusi termus kontratu ne’e bele motiva liután profesór sira atu badinas servisu liután hodi lori estudante hetan edukasaun ida di´ak liután,” nia espera.

Notisia relevante:Fasilita Prosesu Aprendijazen Entre Estudante Ho Profesór Garante Kualidade Edukasaun

Jornalista :Tomé Amado

Editór      : Rafy Belo

iklan
iklan

One Comment

  1. Ema ho abilitasaun literaria la tuir standar sai profesor ne’e Timor-Leste atu sai saida. Ministra ne’e kala matan delek hela karik, ne’e mak la haree hetan graduadu sira iha area edukasaun, ne’ebe tinan-tian universidade sira, liu-liu UNTL produs. Tuir loloos ne’e tempu to’o ona atu rekruta profesor sira liuhusi teste, la’os liuhusi sistema voluntariu ne’ebe nakonu ho korrupsaun no nepotizmu.

Leave a Reply

iklan
error: Content is protected !!