Ministra Solidariedade Sosiál no Inkluzaun (MSSI), Armanda Berta dos Santos. Imajen/Egas Cristovão

DILI, 09 dezembru 2019 (TATOLI)-Ministériu Solidariedade Sosiál no Inkluzaun (MSSI) to’o ohin, ezekuta ona orsamentu jerál estadu (OJE) 2019 nian to’o porsentu 96 (%96).

Notísia Relevante : MSSI Ezekuta OJE 2019 To’o Ona 92.9%

Tuir publikasaun portál transparénsia ne’ebé Ajénsia TATOLI asesu relata katak, orsamentu orijen ba MSSI $56,505,642.00, kompromisu $963,143.78, obrigasaun $1,565,160.60, atuál $52,676,103.00, saldu $1,301,236.62.

“MSSI nia orsamentu sei ezekuta ho di’ak, tanba ne’e to’o sistema free balance taka bele ezekuta to’o porsentu 98,” hateten Ministra Armanda Berta dos Santos.

Ministra Armanda Berta dehan, ezekusaun orsamentu ne’ebé prevee iha tinan ne’e ezekuta bazeia ba planu no prioridade MSSI nian, hanesan aloka ba iha saláriu vensimentu, fundu transferénsia públika hodi apoiu instituisaun solidariedade sosiál sira, ba programa idózus, bolsa da mãe, no servisu asisténsia sosiál sira seluk tan.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here