Ambulansia ida avaria para hela iha Ospitál Referral Maliana. Imajen/António Gonçalves

DILI, 09 dezembru 2019 (TATOLI)-Ministériu Saúde (MS) sei karreta ambulánsia 30 ba patrimóniu estadu tanba kondisaun la di´ak ona.

“Ami sei halo diskusaun.   Ezemplu 30 ne’e mak ita entrega ho tempu  hanesan signifika sentru saúde 30 mak sei la iha karreta multifunsaun ida ne’e mak sei sai preokupasaun boot tebes,”dehan Diretór Nasionál Administrasaun  Lojístika no Patrimóniu MS Francisco Borges ba media sira iha Palácio das Cinzas, Caicoli, ohin.

“Atu responde ba preokupasaun hirak ne’e  ita sei falta entaun Ministériu Saúde iha hanoin katak  ita presiza karreta ho  númeru ne’ebé mak boot  atu kompleta karreta sira ne’ebé mak agora daudaun aat,” dehan ezekutivu ne´e.

Ba orsamentu tinan-2020, tuir nia, MS  propoen  ona para sosa 20 unidade para bele reforsa liután karreta sira ne’ebé mak iha  maibé depende aprovasaun husi  na’in ulun sira maibé ita-nia komunidade presiza karreta ambulánsia bainhira sira moras presiza tula hodi halo tratamentu.

Hanesan mós ita rona daudaun iha Munisípiu Lautem la asesu ba karreta ambulánsia  no mós iha Postu administrativu Venilale karreta la iha inklui Same. Ida nee sai preokupasaun boot ba MS.

“Karreta sira ne’e aat hotu ona la iha seguru atu tula komunidade. Presiza sosa foun alende ne’e ita kontinua nafatin karreta tuan ninia kustu ba manutensaun no reparasaun  ne’e boot liu tanba ne’e mak di’ak liu entrega ba patrimóniu estadu para ita bele tau osan hodi halo fali akizisaun foun,” nia dehan.

Notísia relevante:KOICA Oferese Ambulánsia Multifunsaun Tolu ba MS

Jornalista        : Felicidade Ximenes

Editór              : Rafy Belo

HAKEREK NO HATÁN

Please enter your comment!
Please enter your name here