MAROBO, 08 dezembru 2019 (TATOLI)-Xefe Ilat-Laun, Juvenal Pires, informa, maioria ninia komunidade iha nia suku laran seidauk asesu ba bee moos ho di’ak.
Xefe Suku ba Ajénsia TATOLI, ohin, iha Marobo, Suku Atu Aben, Postu Administrativu Bobonaro, Munisípiu Bobonaro, Xefe Suku Juvenal Pires, informa, ho mudansa klimátika no bai-loron naruk, bee-matan iha suku Ilat-Laun menus hodi difikulta komunidade sira atu asesu bee moos ho di’ak.
Relasiona ho bee menus, Xefe Suku husu ba Governu atu tau planu di’ak hodi komunidade sira mós bele asesu.
Suku Ilat-Laun iha aldeia tolu, kompostu hosi Aldeia Ilat-Laun, Tuneru no Porugua, ho totál komunidade hamutuk 230.000 no Xefe família 388.
Jornalista : Osória Marques
Editór : Francisco Simões
