Marungi

MAROBO, 07 dezembru 2019 (TATOLI)–Autoridade Suku Atu-aben, Januario Fernandes hateten, autoridade hamutuk ho komunidade iha ona planu atu uma-kain idaidak tenke kuda marungi tanba marungi ba sira nu´udar salvadór ba má nutrisaun.

La iha buat ida mak ita hakarak atu hatene kona-ba buat ne´ebé mak ita hakarak kona-ba nutrisaun iha suku Atu-aben.

Xefe Suku Atu-Aben, Postu Administrativu Bobonaro, Munisípiu Bobonaro, Januário Fernandes. Imajen TATOLI/Antónia Gusmão.

“Ami iha ne’e tenke kuda marungi tanba marungi mak hanesan salvadór ba iha má nutrisaun nian. Ami iha planu, iha uma hun sira kuda marungi tanba marungi mak bele salva (má nutrisaun),” hateten Suku Januario Fernandes ba Ajénsia TATOLI, ohin.

Kona-ba Saúde na Família iha Suku Atu-Aben, Xefe Suku Januario Fernandes haktuir:“Durante Saúde na familia la’o iha suku ida ne’e ami la’o ho Servisu Integradu Saúde Komunitária (SISCA)  kada fulan SISCA la’o iha ami-nia suku, komunidade sempre partisípa máximu”.

“Sira halo vasinasaun ba labarik depois sira tetu mós labarik sira-nia todan kada  fulan iha ne’e,” nia reforsa.

Xefe Suku Januario Fernandes, iha biban hanesan hateten, iha Suku Atu-aben menus bee moos, ne´ebé afeta la´ós de´it ba labarik maibé mós ema boot sira tanba bailoron naruk nune´e afeta mós ba ema-nia saúde. “Bee ne’e labele haree ba ema de’it inklui mós afeita ba animál. Agora daudaun ami enfrenta hela ba bee ne’e tanba bailoron ne’ebé mak naruk tebes”.

Notísia relevante:Bailoro Naruk Afeta Bee Menus iha Suku Atu-Aben

Jornalista        : Felicidade Ximenes

Editór              : Rafy Belo

HAKEREK NO HATÁN

Please enter your comment!
Please enter your name here