Diretór interino Servisu Saúde Munisípiu Manatuto, Francisco Soares, bainhira dada lia ho jornalista Agência Tatoli iha ninia kna’ar fatin, Servisu Saúde Munisípiu Manatuto, tersa (03/12). Imajen/Joanico de Araújo

MANATUTO, 3 dezembru 2019 (TATOLI) – Diretór interino Servisu Saúde Munisípiu Manatuto, Francisco Soares, relata daudaun ne’e medíku iha Sentru Saúde iha Munisípiu Manatuto seidauk sufisiente, tanba ne’e husu Governu liuhosi Ministériu Saúde atu aumenta tan médiku atu bele atende komunidade sira.

Nia realsa, durante ne’e rekursu iha sentru saúde menus tanba médiku sira ne’ebé husi nasionál koloka iha Manatuto, barak liu mai hosi Dili, tanba ne’e sira serbisu la kelur tenke fila-fali ba Dili.

“Durante ne’e, medíku ho parteira sira barak mak muda hotu ba Dili. Doutora ida atu mai hala’o servisu iha Manatuto Vila ho durasaun kleur liu tinan ida ka rua de’it, tanba maioria kaben na’in. Entaun sira nia razaun mak tenke fila ona tanba sira nia parseiru iha Dili”, tenik Francisco ba Agência Tatoli iha nia kna’ar fatin, tersa ne’e.

Nia dehan, ba kestaun ne’e, Servisu Saúde Manatuto hato’o ona Autoridade hodi bele enkamiña ba nasionál hodi rezolve.

Diretór ne’e subliña, iha postu saúde balun médiku de’it mak iha maibé infermeiru no parteira laiha, tanba ne’e ba oin presiza tebes atu aumenta rekursu.

“Foin daudaun ne’e, Governu liuhosi Ministériu Saúde fó kontratu ba interinu sira, maibé sira serbisu, Governu mak fó kontratu maibé saláriu la’ós hanesan ema serbisu permanente maibé hanesan kontratadu. Tanba ne’e bainhira loke fali vaga, ema ne’ebé hanesan kontratadu hamutuk ema na’in-24 agora laiha ona”, nia informa.

Iha Munisípiu Manatuto, ne’e Médiku hamutuk na’in-28, ne’ebé koloka iha Sentru Saúde Manatuto vila, Soibada, Natarbora, Laklubar, Laklo no Laleia, Parteira hamutuk na’in-23, Infermeiru na’in-38 inklui hosi Sentru Saúde no Postu Saúde sira hotu, Aliadu iha 13 Assistente na’in-12, Farmasista na’in-9, Analista na’in-11, ho seluk hamutuk 47, ho totál hamutuk na’in 181.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here