Prezidente Parlementu Nasionál, Arão Noé de Jesus da Costa Amaral. Imajen/António Gonçalves

DILI, 03 dezembru (TATOLI)—Prezidente Parlamentu Nasionál, Arão Noé de Jesus da Costa Amarál, hateten orsamentu duodesimál bele mosu iha janeiru 2020 tanba proposta orsamentu jerál Estadu (OJE) 2020 ho montante biliaun $1.950 Governu deside retira hodi halo ajustamentu.

“Duodésimu bele mosu iha fulan-janeiru, tanba ita-nia debate ba orsamentu 2020 seidauk hahú”, nia informa ba jornalista sira, hafoin Governu deside retira proposta lei númeru 8/V (2ª) kona-ba OJE 2020, iha Parlamentu Nasionál, tersa ne’e.

Lee mós: Governu Dada Proposta OJE 2020 Husi PN

Tuir nia, normalmente, OJE aprovadu iha dezembru, maibé Prezidente Repúblika sei halo análize hafoin halo promulgasaun no veta. Nune’e mós, Prezidente Repúblika bele haruka ba Tribunál Rekursu halo apresiasaun, entaun sei lori tempu.

“Sistema sira ne’e tenke konta hotu”, Prezidente Parlamentu Nasionál, Arão Noé, dehan iha resintu Parlamentu Nasionál.

Arão esplika katak utilizasaun orsamentu duodésimu ne’e la’ós buat foun maibé akontese ona iha tinan-tinan. Ne’e katak kada tinan orsamentu duadésimu sempre iha.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here