Ministru Ensiñu Superiór, Siénsia no Kultura, Longuinhos dos Santos. Imajen Tatoli/Egas Cristóvão

DILI, 03 dezembru 2019 (TATOLI)-Oitavu Governu Konstitusionál liuhusi Ministériu Ensinu Superiór Siénsia no Kultura (MESSK) planea hakarak koloka adidu edukasaun iha nasaun neen atu tau-matan ba estudante timoroan sira iha diaspora maibé orsamentu 2019 la sufisiente tanba ne´e mak MESSK koloka de´it adidu iha nasaun tolu.

Nasaun neen ne´ebé ak governu identifikadu mak Indonézia, Portugal, Caboverde, Cuba, Xina no Tailándia. Husi nasaun neen ne´e nasaun tolu mak iha ona adidu hanesan Indonézia, Portugal no Cabo verde. Nasaun tolu seluk seidauk tanba kestaun orsamentu.

“Ita-nia orsamentu 2019 nian la sufisiente atu koloka ita-nia adidu iha nasaun tolu ne’e entaun ita pendente hela maibé ita propoen ona iha orsamentu jerál estadu 2020 nian”, Ministru Longuinhos dos Santos haten ba jornalista sira iha parlamentu Nasionall, ohin.

Maske MESSK propoen ona orsamentu ba adidu nian ne’ebé aneksu iha OJE 2020, maibe nia konsidera sei konfidensiál ho razaun kuandu orsamentu MESSK millaun $10, 771 aprova ona mak foin bele informa ba públiku.

“Ha’u seidauk bele fó sai montante orsamentu loloos adidu nian ba públiku maibé kuandu hetan ona aprovasaun ha’u sei anunsia ba públiku. OJE MESSK nian ba 2020 purvolta $ 10, 771 miloens,” nia dehan..

Agora orsamentu adisionál ne’ebé MESSK propoen ne’e atu responde planu 2019 nian inklui kolokasaun adidu iha nasaun sira maibé depende ba diskusaun iha PN ne’e mak sei desidi tan ne’e nia rasik seidauk bele garante montante orsamentu MESSK ne’e mantein ka lae. Buat hotu iha duvida nia laran.

Jornalista        : Tomé Amado

Editór              : Rafy Belo

HAKEREK NO HATÁN

Please enter your comment!
Please enter your name here