Prezidente Veteranu Soibada, Agripino Sarmento 'Coisiri'. Imajen/Joanico de Araújo

MANATUTO, 03 dezembru 2019 (TATOLI) – Prezidente Veteranu Soibada, Agripino Sarmento ‘Coisiri’, informa parte komisaun intaladora konsege halo ona validasaun dadus no rejista ona veteranu sira husi Munisípiu Manatuto.

“Iha validasaun, ami halo ona inskrisaun ba ita nia kombatente libertasaun nasionál sira ne’ebé rejistadu desde tinan 2003 no 2004 iha Munisípiu Manatuto no hetan dadus hamutuk 2.000 resin, hanesan veteranu klandestina no veteranu ne’ebé halo funu durante tinan 24 nia laran”, tenik Veteranu Coisiri ba Agência Tatoli, iha nia kna’ar fatin, tersa ne’e.

Nia haktuir, dadus ne’ebé halibur hosi tinan 2003 to’o 2004, maibé konsege halo validasaun iha tinan 2009.

“Dadus ne’ebé rejistadu ho kritéria ema ida tenke haree ba durasaun partisipasaun no ninia dedikasaun eskluzivu. Bainhira kombatente ida iha ai-laran durante tinan tolu, hafoin mai halo ninia servisu no hetan dezastre ruma, entaun nia hetan direitu maibé bainhira ita nia kombatente ida maka iha ai-laran tinan tolu no nia mai kontinua serbisu maibé iha tinan 1999 hamutuk fali ho maluk otonomia sira entaun ida ne’e ami presiza haree didi’ak, sé mak haruka, komandu ka nia rasik mak hakarak”, nia haktuir.

Tuir Coisiri, validasaun iha tinan 2009 sei kontinua halo to’o agora, hahú hosi Natarbora, no orseik 2 dezembru hahú iha Soibada to’o agora sei la’o namanas no dadus hirak ne’e depende ba partisipasaun iha funu.

Jornalista: Julia Chatarina

Editór: Xisto Freitas

 

 

HAKEREK NO HATÁN

Please enter your comment!
Please enter your name here