Jardín B.J. Habibie. Imajen/TATOLI

DILI, 02 dezembru 2019 (TATOLI) – Ajénsia Dezenvolvimentu Nasional (ADN) halo ona komunikasaun ho Autoridade Munisípiu Dili atu bele halo termu entrega infraestrutura Jardín B.J. Habibie ba Munisípiu Dili atu jere no halo manutensaun.

Notísia Relevante : SEPS Prontu Koloka Seguransa iha Jardín B.J. Habibie

Adjuntu Autoridade Munisípiu Dili, José Ximenes Pereira Smith, Imajen/Egas Cristovão

Adjuntu Prezidente Autoridade Munisípiu Dili, José Filipe Ximenes Smith, hateten, kuaze jardín sira iha Dili laran entrega hotu ona ba Autoridade Munisípiu Dili atu tau matan no jere. Nune’e, ba Jardín B.J. Habibie sei iha responsabilidade ADN nian, maibé iha tempu badak nia laran ADN sei entrega ba Munisípiu Dili.

“Daudaun ne’e, kona-ba seguransa Jardín B.J. Habibie nian, ADN mak halo jestaun no seidauk entrega ba Munisípiu Dili, ami só haree ba limpeza de’it.  Maibé, ami ho ADN halo ona enkontru no ADN dehan mai ami katak iha tempu badak sei entrega infraestrutura tomak ba Munisípiu Dili. Iha ne’e mak ita foin deside no koloka seguransa,” informa  Adjuntu Autoridade Munisípiu Dili,  José Filipe Ximenes Smith, ba Ajénsia TATOLI iha nia servisu fatin, Matadoru, Dili.

Notísia Relevante : Xefe Suku Bidau Santa-Ana husu Juventude Asegura Ponte ho Jardín Habibie

Nia dehan, asuntu seguransa Estadu iha obrigatóriu tau seguransa, maibé labele depende liu ba seguransa, tanba infraestrutura ne’ebé Estadu harii kabe ba povu tomak nian. Nune’e, ema hotu iha responsabilidade atu kuida no asegura asesória hotu ne’ebé monta ona iha jardín laran.

Notísia Relevante : Munisípiu Dili Sei Deklara Jardín Habibie Zona Livre Tabaku

Jornalista       : Osória Marques

Editór             : Francisco Simões

HAKEREK NO HATÁN

Please enter your comment!
Please enter your name here