Logo Ministériu Saúde.

DILI, 02 dezembru 2019(TATOLI)-Ministériu Saúde (MS) prevee orsamentu millaun 59 ba iha Orsamentu Jerál Estadu (OJE) ba 2020 hodi aloka ba saláriu no vensimentu, bens no servisu, kapitál menór, kapitál dezenvolvimentu no transferénsia públika.

“Orsamentu ida ne’e liuliu liga ba kapitál dezenvolvimentu atu harii postu saúde sira, halo espansaun ba ospitál referál sira,” dehan Vise-Ministru Dezenvolvimentu Estratéjiku Saúde, Bonifácio Maucoli dos Reis ba jornalista sira iha Parlamentu Nasionál (PN), ohin.

Governante ne’e informa tan  katak orsamentu ne’e  mós haree ba reabilitasaun sira ba postu saúde sira ne’ebé konstrusaun hahú kedas iha tempu uluk nian ne´ebé mós presiza haree.

“Alende ne’e mós atu harii uma-mahon ba moras mentál, ida ne’e mós presiza liña koordenasaun ho Ministériu Solidaridade Sosiál no orsamentu ne’e mós la’ós husi Ministériu Saúde maibé orsamentu ba uma-mahon ne’e husi Ministériu Solidaridade Sosiál no Inkluzaun,” konklui Vise-Ministru Dezenvolvimentu Estratéjiku Saúde, Bonifácio Maucoli dos Reis.

Notísia relevante:MS Sei Koloka Pesoál  Saúde Ba Sentru Saúde Ne´ebé Menus Atendimentu

Jornalista : Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here