Institutu Superiór Cristal (ISC). Foto: https://www.isc-tl.com/IN/

DILI, 02 dezembru 2019 (TATOLI)-Institutu Superior Cristal (ISC) sei gradua estudante finalista na´in 408 iha 23 dezembru agora, husi Fakuldade rua hanesan Fakuldade Siénsia Edukasaun (FSE) no Fakuldade Siénsia Saúde (FSS).

Reitór ISC, Sebastião Pereira. Imajen: Nelia Fernandes

“Fakuldade Siénsia Edukasaun, estudante finalista totál 258 no Fakuldade Siénsia Saúde 150. Fakuldade Siénsia Edukasaun, iha departamentu Matemátika, Fízika, Kímika, Biologia, Psikolojia, Ekonomia no Kontabilidade, Língua Inglés, Língua Portugés, Informátika.Fakuldade Siénsia Saúde iha departamentu rua; Enfermagem no Parteira,” informa Reitór ISC, Sebastião Pereira ba Ajénsia TATOLI iha nia kna’ar fatin Balide, Dili, ohin.

Reitór Cristal, Sebastião Pereira informa, prosesu preparasaun graduasaun estudante finalista ISC periódu 2019 halo ona atividade judísiu no misa agradesimentu.”Agora dadauk prosesu lista aprovasaun, lista ne’e hato’o ona ba Ministériu Ensinu Superiór Siénsia no Kultura hodi aprova.

Nia reforsa, agora daudaun estudantes finalista ISC halo ona preparasaun ba dokumentu no ba buat hotu. “Serimónia graduasaun sei hala’o iha Sentru Konvensaun, 23 dezembru 2019. Estudante graduasaun totál 408 ba fakuldade rua no departamentu 12, husi feto 233 no mane 175,” katak reitór .

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here