Funsionáriu SLN halo limpeza iha armazén 03 Tibar hodi hamoos saku foos ne’ebé fo’er. Foto/SLN.

DILI, 02 dezembru 2019 (TATOLI)-Ministériu Solidariedade Sosiál no Inkluzaun (MSSI) iha estoke foos hamutuk saka 40.000 ne’ebé maka rai iha armazén nasionál no munisípiu 11 hodi fó apoiu ba família kbiit laek, orfanatu no vítima dezastre naturaís.

Notísia Relevante : MSSI Apoiu Foos ba Familia Kbiit Laek 50 iha Liquiça

Diretór Nasionál Asisténsia Sosiál,  Lucas Tois, ohin, informa, foos ho saka kilograma 25, MSSI liuhosi Diresaun Lojístika Nasionál (CLN-Sigla Portugés) distribui ona saka 33.830, no armazén nasionál hamutuk saka 6.170.

“Ita iha sentru armazén MSSI iha munisípiu 11, la inklui RAEOA hodi fó apoia sosiál,” informa Diretór DNAS, Lucas Tois ba Ajénsia TATOLI iha nia knar fatin Caicoli, Dili.

Nia garante estoke foos iha armazén nasionál no munisípiu sei sufisiente atu fó apoiu ba benefisiáriu sira durante tinan 2019.

Hatán kona-ba foos saka hira maka servisu MSSI Nasionál no Munisípiu Distribui ba benefisiáriu sira, Diretór Nasionál ne’e seidauk bele públika ba públiku tanba seidauk simu relatóriu hosi pontu fokál MSSI.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here