Reitór IOB, Augusto Soares. Foto: Portal IOB

DILI, 02 novembro 2019 (TATOLI) –Institute of Bussiness (IOB), iha tinan létivu 2020, sei reforsa programa tékniku multimedia bainhira MESSK (Ministériu Ensinu Superiór Siénsia no Kultura) hamutuk ho ANAAA (Ajénsia Nasionál ba Avaliasaun no Akreditasaun Akadémika, sigla portugés) fó ona rekoñesimentu.

“Ami hatama ona dokumentu hotu ba instituisaun estadu rua ne’e hodi toma konsiderasaun. Ami espera katak 2020 kuandu tama iha prosesu avaliasaun bele hetan akreditasaun,” hatetenn Reitór Augusto da Conceição Soares ba Ajénsia TATOLI iha ninia kna’ar fatin Kampus IOB, Fomento, Dili, segunda (02/12/2019).

Programa Tékniku multimedia ne’e, tuir reitór katak foun iha IOB ne’e tanba ne´e estudante sira sei hetan liután meteria foun ida ne’e atu ajuda hasa’e liután sira-nia koñesimentu iha área multimedia nian. Nia dehan informasaun kona ba lisensa nian iha ona “ Luz verde” espera katak 2020 bele iha ona rezultadu pozitivu.

Agora daudaun programa rua ne’ebé mak tama ona iha prosesu avaliasaun ANAAA nian mak Jestaun Informátika no Jestaun Públiku. Espera katak molok tinan ne´e ramata, programa rua ne’e bele hetan tan akreditasaun. Programa ka kursu akreditasaun programátika ne’e la´o ona.

“Ita espera katak kursu programa akreditasaun ne’e bele ajuda liután IOB
hodi garante departamentu sira iha futuru ida di´ak liu,”  friza reitór ensinu superiór privadu ne´e.

Notísia relevante:IOB Halo Investimentu Ba Kualidade Dosente No Dezenvolvimentu Institusionál

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here