Logotipu DIT

DILI , 29 novembru (TATOLI) – Ensinu Superiór DIT (Dili Institute of Tecnology) liuhusi reitór no prezidente senadu akadémika ofisialmente konfere grau akadémika ba graduadu 307 husi fakuldade ualu.

Grau akadémika ne’e DIT oferese ba estudante sira ne’e tanba esforsu tomak ne’ebë graduadu sira hatudu ona durante tinan haat nu’udar estudante iha DIT. Rezultadu ne’e hatudu husi programa School Engineering and Sciences estudante na’in 48, School petroleom studies na’in 119, School Business Management na’in 82, no School Tourism and hospitality 58.

Magnifiku Reitór DIT, Alvaro Amaral hateten, dezenvolvimentu no progresividade ne’ebe DIT halo ona mak establese asesoria internál iha DIT hodi halo halo avaliasaun ba referénsia materia ne’ebé DIT uza hodi tranfere no komunika koñesimentu ba estudante sira iha DIT.

Husi programa 12 ne’ebé DIT iha programa 10 hetan ona akreditasaun. Ne’e hatudu katak DIT iha krediblidade tomak kona ba divulgasaun siénsia hodi tulun formasaun no kapasitasaun ba joven timoroan sira oinsá atu hakat ba oin hodi konrinua promove liután imajen DIT iha sosiedade no povu no ba nasaun ida ne´e.

“Ho progresu ida ne’e DIT iha planu ona ba tinan oin sei loke tan programa akuntablidade tanba DIT hakarak atu halo balansu iha prrograma hotu atu responde ba merkadu traballu,” garante Reitór Alvaro Amaral iha serimónia graduasaun ba estudante 307 iha salaun DIT, sesta (29/11/2019).

Tuir Akadémiku DIT ne´e katak planu ida ne’e bazeia ba nesesidade no preokupasaun kompañia lokál no internasional sira nian tanba realidade númeru lisensiadu iha akuntablidade to’o agora sei menus tebes. “Ho ida ne’e mak DIT kria tan programa ne’e atu tulun kompañia sira bele dezenvolve diak liután kestaun iha instituisaun nia laran”.

Entretantu, graduadu 307 ne’ebé simu ona sira nia graduasaun iha DIT, estudante na’in 12 mak tama iha klasifikasaun ka kategoria hetan valór diak. Sira na’in 12 ne’e kategoria ho indeks prestasaun 3,35.

Notísia relevante:Graduadu Tenke Sai Lider Tranformadór Iha Sosiedade

Jornalista: Tomé Amado

Editór      : Rafy Belo

1 KOMENTÁRIU

Leave a Reply to Aderito de Jesus Cancel reply

Please enter your comment!
Please enter your name here