Logotipu UNTL

DILI, 28 novembru 2019 (TATOLI) – Magnifiku Reitór Universidade Nasionál Timor Lorosa’e (UNTL) anunsia ona katak loron 16 dezembru 2019 UNTL sei realiza serimónia graduasaun ba estudante finalista menus husi 500 husi fakuldade ualu.

“Tinan ida ne’e graduante la to’o 500 hanesan mós tinan kotuk iha de’it 400”, dehan Francisco ba ajencia TATOLI iha kampus UNTL, kinta (28/11/2019).

Agora husi faculdade ualu ne’ebé ninia estudante sira atu simu graduasaun mak Fakuldade Agrikultura (FA), Fakuldade Siénsia Teknolojia (FST), Fakuldade Medisina, Siénsia no Saúde (FMSS), Fakuldade Direitu, Fakuldade Filozofia, Fakuldade Edukasaun Arte no Umanidade (FEAU), Fakuldade Siénsia Sosiál (FSS), Faculdade Ekonomia no Jestaun (FEJ)

Magnifiku reitór ne’e mós afirma katak tinan ida ne’e ninia parte loke de’it oportunidade graduasaun ba estudante semester ida ne’e. “Husi preparassun hotu oras ne’e la´o ona tanba novembru mós besik ramata”.

Ne’e duni, nu´udar lider másimu UNTL nian garante katak buat hotu sei la´o di´ak tanba esperiénsia barak mak ultrapasa ona no hein de’it ninia implementasaun iha loron ne’ebé markadu ona.

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here