Prezidente Parlamentu Nasionál, Arão Noé de Jesus da Costa Amaral. Imajen Tatoli/António Gonçalves

DILI, 28 novembru 2019 (TATOLI)–Prezidente Parlamentu Nasionsál, Arão Noé de Jesus da Costa Amaral, hateten diferensa polítika ne’e normál, importante mak diferensa ne’e labele hafahe timoroan.

“Diferensa polítika ne’e buat normál. Ha’u hein katak diferensa labele fahe ita, tanba objetivu ita hotu nian luta ba povu nia moris di’ak”, Arão Noé ko’alia iha ámbitu Komemorasaun 28 Novembru ba dala-44 ne’ebé realiza iha Palásiu Governu, ohin.

Nia husu ba nai-ulun boot sira, joven no povu tomak, atu fó liman ba malu hodi kontribui estabilidade.

“Sein estabilidade, dezenvolvimentu labele la’o. Estabilidade mak bele dezenvolve rai ida-ne’e hodi atinje objetivu povu moris di’ak no dignu”, nia subliña.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here