Responsável Grupu BALOR, João Alves de Israel. Imagén TATOLI/Antónia Gusmão.

AILEU, 27 novembru 2019, (TATOLI)-Responsavél Tékniku Grupu BALOR (Bali Ó Rain), João de Israel, hateten bainhira tempu udan, sira defisil tebes atu lori produtu lokál sira ne´ebé mak sira iha ba merkadu tanba mota tuun no laiha ponte.

“Kuandu tempu udan susar tebes mai ami atu asesu ba vila hodi lori ami nia produtu ba merkadu ou hosi kolletór ho supermerkadu sira ne’ebé maka sosa ami nia produtu, hatetenr João Alves de Israel hanesan mós Xefe Suku Saboria ba TATOLI iha suku Saboria, Postu Administrativu Aileu vila, Munisípiu Aileu, ohin.

Nia hatutan, bainhira sosa na´in sira la ba to’o sira-nia fatin tanba mota boot maka sira rasik lori to’o ba merkadu. “Ida ne’e problema tebes ba ami tanba sira sosa ne’e la to’o mai maka ami maka tenke hulan ba mota sorin maka fa´an,” dehan autoridade lokál ne´e.

Kona-ba preokupasaun ne’e,  João de Israel hateten, nu´udar xefe suku hato’o ona ba nível munisipál. “Kuandu reuniaun iha nível munisípiu sempre hato’o, no tau ona iha Planu Estratéjiku munisipál, ne’ebé hein de’it katak atu estabelese ponte ou alternativa seluk mas ami presiza tenke tau duni ponte ida hodi fasilita di’ak liután ami hodi la’o ba mai hodi ami-nia produtu ba merkadu hodi hetan osan ba sustenta família,” katak nia.

Produtu ne’ebé maka grupu BALOR no grupu agrikultór sira seluk iha maka hanesan modo metan, repollu, alfase, lakeru malae, brinjela no produtu loká sira seluk tan.

Entretantu, suku ne´ebé maka susar atu ultrapassa ba postu administrativa bainhira tempu udan, tuir autoridade lokál ne´e maka Suku Saboria Postu administrativu Aileu vila, Suku Fahiria Postu Administrativu Lequidoe.

Notísia relevante:To´os-na´in Grupu BALOR Kada Semana Hetan Dólar 100 Resin Husi Kantarreiru Ida

Jornalista: Antónia Gusmão

Editór      : Rafy Belo

HAKEREK NO HATÁN

Please enter your comment!
Please enter your name here