Diretór ESTV-GTI, Francisco Guterres.

DILI, 27 novembru 2019 (TATOLI)-Eskola Sekundária Teknolojia Vokasionál-Grupu Teknolojia Indústria (ESTV-GTI) Becora, halo parseiru ho governu Korea liuhusi Ajénsia KOICA (Ajénsia Kooperasaun Internasionál Korea, sigla inglés) hahú adapta ona sistema modulár.

“Ami liuhusi governu, Ministériu Edukasaun halo ona parseira ho governu Korea liuhusi Ajénsia KOICA iha programa sosio-kulturál sientífiku ne’e ami adapta ona, sistema ida iha ne’eba bolu lian ofisonál,” dehan Diretor ESTV-GTI Becora, Fransisco Guterres ba Ajénsia TATOLI iha nia kna’ar fatin, ohin.

“Lian ofisionál, entaun ami hatama ona língua Korea ne’e sai ona, tama ona ba iha kurríkulu tanba linggua korea adapta ona iha Eskola Tékniku Vokasionál Becora, hahú husi primeiru ano, segundo ano no terseiro ano, lian Korea mós komesa la’o,” tenik nia.

“Ami iha ne’e, ami-nia profesora ne’ebé hanorin Eskola Tékniku Vokasionál Grupu Indústria Becora, ami iha profesór timoroan hamutuk 86 no profesór voluntáriu ami iha governu Korea liuhusi Ajénsia KOICA, ami iha profesór ema Koreana iha na’in 5 no asesór ida. Profesór Koreano sira ne’e nu’udar profesór voluntáriu. Ba iha área lian Korea ne’e iha na’in tolu, iha área IT (Informasaun teknolojia) na’in rua, iha área mekánika na’in ida no asesór ida,” katak nia.

Nia hatutan, Kooperasaun entre ESTV-GTI no Governu Korea lao to’o ohin loron tanba Eskola Tékniku Vokasionál ho ninia misaun ida katak atu prepara estudante sira ne’ebé bele iha kbiit ho kapasidade hodi antesipa dezempregu ne’ebé iha rai laran. katak sira labele dependente ba governu no mós estadu.

“Tanba ne’e ESTV-GTI Becora ho ninia misaun, katak prodús estudante ne’ebé ho kualidade ho moralidade ne’ebé di’ak, nia iha  umanista no mós vizionária, katak nia tenke hateke ba oin para atu bele sai ezemplu ba iha sosiedade”.

Maske nune’e, Diretor ESTV-GTI Fransisco Guterres informa, Depois ESTV-GTI hetan parseiru ho governu Korea, hahú halo transformasaun ne’ebé radikál tebes, ekipamentu iha materiál no infrastrutura ne’ebé iha ESTV-GTI nian.

“Ohin loron ami bele hateten katak ami-nia salas aulas no ofisina sira ne’e partense ona ba inovasaun katak ami-nia sala sira ne’ebé iha no ami-nia ofisina ne’ebé to´o iha ami-nia ambiente eskola ne’e ohin loron ami fornese ekipamentu ne’ebé bele dehan katak hahú tama ona modernu,” konsidera Diretór Fransisco Guterres.

Iha parte seluk, Ezekutivu ESTV-GTI Becora, Fransisco Guterres haktuir katak iha 2014 komesa muda ona kurríkulu tanba kurríkulu 2000 to´o 2014 bolu dehan adapta sistema trimestrál. Entaun iha programa adaptivu, programa normativu ho programa produktivu ne’e adapta sistema trimestral.

“Depois 2014 mai fali to’o ohin loron, adapta fali sistema modulár, entaun buat ida normativu no produtivu sai fali programa sosio-kulturál, programa sientífiku no programa produtivu mai to’o iha 2014 hetan ona rehabilitasaun husi governu Korea liuhusi Ajénsia KOICA, entaun eskola ida ne’e hahú ona sai tuir Ministériu Edukasaun liuhusi diresaun ensinu sekundáriu tékniku vokasionál, ESTV-GTI becora ne’e sai ona eskola ida ne’ebé nu’udar eskola referénsia ba eskola tékniku hotu, ne’ebé iha Timor laran,” nia haklaken.

Notísia relevante:ESTV-GTI Becora Husu MEJD Tau Orsamentu Ba Manutensaun

Jornalista : Nelia Fernandes

Editor         : Rafy Belo

HAKEREK NO HATÁN

Please enter your comment!
Please enter your name here