Xefe Departamentu Moras La Hada'et, Federico Bosco. Imajen: Felicidade Ximenes

DILI, 26 novembru 2019 (TATOLI)-Xefe Departamentu Moras La Hada’et, Federico Bosco hateten katak atu formula ita-nia polítika kona-ba kontrolu ba iha alkol, ita ko´alia mós kona-ba oinsá atu to´o iha lejislasaun alkol nian tanba oras ne´e daudaun iha Timor-Leste seidauk iha lei ba alkol.

“Ita  iha ázia, úniku nasaun ida ne’ebé seidauk iha lei kona-ba kontrolu  alkol mak Timor-Leste tanba ne’e mak husi impaktu ba alkol la’ós de’it impaktu ba saúde públika de’it maibé klaramente katak moras la hada’et sira ne’e  kauza husi alkol. Ida ne’e hanesan kestaun dignidade nasaun nian, nu’udar nasaun soberana ida,” dehan Xefe Departamentu Frederico Bosco ba media sira iha Timor Plaza, Maubara Room, Dili, ohin.

“Entaun ita-nia nasaun ne’e iha lei para hatudu katak nasaun ne’e iha kontrolu alkol maibé agora ita seidauk lei ba ida ne’e tanba ne’e mak ita bolu liña ministeriál hotu atu formula ita-nia lejislasaun hodi kontrola iha ita-nia rain,” nia dehan tan.

Xefe Departamentu Frederico Bosco akresenta, ita-nia planu mak dahuluk ita promove no halo sensibilizasaun ba komunidade ita halo nafatin maibé presiza mós  lejislasaun tanba iha prosesu ida ne’e ita bele avansa ne’ebé di’ak tebes.

Iha envolvimentu diskusaun ne’e, husi Ministériu Komersiu, Ministériu Finansa, Ministériu Edukasaun, SEFOPE, MRLAP, AIFAESA, no mós PNTL sira-nia envolvimentu ba prosesu ne’e di’ak tebes iha alkol nian ho nune’e ita bele avansu ne’ebé di’ak ho partisipasaun ne’ebé mak di’ak agora ita presiza avansa no lori sira hotu nia hanoin ba iha konsultasaun ida ne’e hodi bele lori ba parte kompetente sira hodi bele informa ba iha Konsellu-Ministru. “Entaun ida ne’e, futuru ita sei dezide maibé prosesu ida ne’e sei lori ita ba to´o iha ne’ebá”.

Iha fatin hanesan, Reprezentante Organizasaun Mundiál Saúde (OMS) iha Timor-Leste, Rajesh Pandav hateten, husi liña Ministeriál ne’ebé mak halo diskusaun ba alkol ne’e tanba alkol  la’ós problema iha Dili de’it maibé ba territóriu Timor-Leste tomak hodi nune’e halo diskusaun hamutuk hodi haree ba kestaun ida ne’e.

Diskusaun kona-ba alkol ne´e envolve husi parseiru dezenvolvimentu nasionál no internasionál no mós liña ministeriál sira inklui profisionál saúde sira.

Notísia relevante:Konsumidór Alkol Iha Timor-Leste Hamutuk 43%

Jornalista :Felicidade Ximenes

Editór      : Rafy Belo

HAKEREK NO HATÁN

Please enter your comment!
Please enter your name here