Komisáriu KFP, Antonío Freitas. Imajen/Domingos Piedade

DILI, 26 novembru 2019 (TATOLI) –Iha inísiu tinan 2019 to’o agora, Komisaun Funsaun Públiku (CFP-sigla portugés) rejista kazu asédiu seksuál  hamutuk 20-resin ne’ebé komete hosi funsionáriu públiku iha repartisaun servisu Estadu nian.

Komisáriu KFP  ba asuntu Disiplinár, António Freitas, hateten, kazu asédiu seksuál  hirak ne’e la’ós de’it iha forma fíziku, maibé mós iha forma hanesan goza ho natureza seksuál.

“Durante ha’u nia intervensaun, iha lubun balun submete suspensaun no balun demite ona,” informa António Freitas hodi responde Ajénsia TATOLI, iha Sentru Konvensaun Dili (CCD-sigla portugés), foin lalais ne’e.

Nia hatutan, nu’udar komisáriu tenke bolu ema balun, atu justifika ho loloos, balun la halo ho justifika sei kria problema iha públiku, hanesan foin daudauk akontese iha Munisípiu Ermera, liuliu professor ida ne’ebé mak haruka labarik sira rein malu, prosesu no halo kedas hodi hetan suspensaun preventiva.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here