Escola_Santa_Madalena_de_Canossa. Foto: Wikipedia

DILI, 26 novembru 2019 (TATOLI) – Eskola Sekundária Santa Madalena de Canossa promove diskusaun grupu entre estudante sira hodi bele rekupera materia sira ne´ebé mak sai obstakúlu ba estudante sira, iha atividade letiva.

Diretór Eskola Canossa, Tito Soares Pinto hateten, molok atu tama ba materia diskusaun estudante sira kada sala-de-aula halo uluk identifikasaun ba materia ne’ebë mak sira sente sai obstakúlu ka difisil ba sira. Tuir mai, kuandu identifika ona mak profesór da turma sira foin kria oráriu atu tama ba diskusaun.

“Ita hanaran diskusaun ne’e parte ida husi rekuperassun signifika la´ós de’it materia ne’e sai obstakúlu mak hetan diskusaun maibé materia hotu atu nune’e estudante sir bele hatene ona ninia progresu,” dehan Ezekutivu Tito Soares ba Ajénsia TATOLI iha eskola Canossa Haslaran, ohin.

Notísia relevante:Canossa Sai Vensedór ba Konkursu Puízia

Diskusaun ne’e rasik, tuir nia katak ejize estudante sira atu ativu, atu nune’e sira bele hatene rasik sira-nia frakeza tanba maneira diskusaun ne’e atu ajuda estudante sira oinsá bele prepara an di´ak liután hodi bele hasoru fali ezame tuir mai.

Diskusaun ne’e sei han tempu to’o semana ida tanba presiza rekoopera hotu materia sira ne’e no ikus mai tenke hatudu ninia konkluzaun. Tanba ne’e, parte eskola fó oportunidade ba estudante sira atu desidi rasik fatin diskusaun atu nune’e sira bele refreska. “Entaun sira uza aredór eskola nian hodi simu ambiente fresku atu nune’e bele ajuda diskusun ne’e lao di´ak liután,” tenik manorin na´in ne´e.

Notísia relevante:Eskola Canossa Orienta Estudante Ho Maneira Edukativa

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here