DILI, 26 novembru 2019 (TATOLI)–Deputadu Partidu Demokrátiku (PD), Mariano Sabino Assanami, propoin hasa’e saláriu ba médiku sira nune’e evita médiku sira buka osan iha klínika privada.
“Ita presiza fó valór ba ita-nia doutór sira no fó osan ne’ebé ke di’ak para sira labele buka osan fali iha klínika privada hodi sira bele konsentradu”, nia dehan ba Agência TATOLI, iha resintu Parlamentu Nasionál, tersa ne’e.
Tuir nia katak kuandu doutór timoroan sira hetan ona saláriu di’ak, atendementu sei la’o di’ak liu.
Aleinde ne’e, Assanami informa, presiza profisionaliza ospitál rejionál sira atu haree loloos moras sira-ne’ebé ke todan, nune’e la presiza ba rai-li’ur, maibé governu tenke investe maka’as iha rekursu umanu saúde nian.
Deputadu ne’e husu Governu kria polítika ida di’ak ba doutór timoroan sira, nune’e tinan lima ka tinan 10 mai Timor-Leste mós bele iha doutór espesialista barak.
Nia argumenta, bainhira doutór espesialista hosi li’ur fila ba sira-nia rain, doutór timoroan bele kapasitadu ona.
Eis Governante ne’e mós hateten tama ona tinan 20 maibé atendimentu iha ospitál nafatin sai problema, tanba ne’e Governu tenke buka hatene ninia fukun.
Jornalista: Evaristo Soares Martins
Editór: Xisto Freitas
Oinsa ho salario trabalhador sira???
Ha’u sente daudaun ne’e sira goza tiha ona rejime espesial karik. Ha’u la konkorda ho maun Asanami nia hanoin. Ba daudaun ne’e, buat ne’ebe publiku kestiona maka’as liu maka kona-ba atendimentu. Karik maun ko’alia kona-ba atu hadi’a sira-nia dezempenu karika ha’u konkorda.
Sim. Sira hetan salario rejime espesial so que salario ne la koresponde ho sira nia serbisu nebe sira halo. Wainhira halo kompativo badak ida resumo katak iha GAP entre sira nia salario ho salario entidade balu nebe hetan rejime especial.
Obrigada
Labele dehan fali buka osan iha Kinika Privado. Servisu hotu iha Hospital tuir oras husi jam 8-17 loraik, depois ida nee mak sira praktek pribadi iha klinika. Laos oras servisu hotu ona hotu2 kontinua bou iha Hospital atu atende moras tamba iha ona orario ba medico A ou B mak pikete depois de oras normal. Hanesan mos professional seluk wainhira oras servisu hotu fila ba uma sei fo tempo hamos toos no fo han animal hanesan fahi ou kesi kuda no karau. Nunee mos medico sira fo tempo iha klinika atende pasiente sira nebe precisa ajuda. So, atu hasae ka lae Medico sei kontinua praktika iha oras nebe livre. 😊😊